Ama-Daz-Floor a pititha oongalo mbali

0
25

KuPinehas NAkaziko
______________________

Ongundu yaa imbi yane yedhina Ama-Daz-Floor osho yapititha uungalo wawo uyali, Africa naChoma omwedhi gwa yi, mboka wuli tawu nyanyudha aapulakeni nosho wo tawu inyenge nawa unene tuu kooradio dhomoshilongo.
Uungalo mbuka owuna omulyo gwoongalo tadhi inyenge nawa, unene tuu mongalo ndjoka yotango yedhina Africa, yaningilwa omikwelengendjo kuMomento. Mongalo muka Ama-Daz-Floor ota popi nkene yeli mondjila yawo okufala oongalo dhawo pondje yoshilongo, unene tuu menenevi lyAfrica.
Africa ongalo ndjoka yoSoukous Kwasa itaayi vulu okuthiga omuntu omutumba noyina etumwalaka kaahikingalo unene tuu mboka aashona opo ya wape okufala iitalenti yawo pondje yoshilongo.
Ongalo onkwawo oondjoka yedhina Chomwa.
Choma ongalo ndjoka ya hala kutya oto tyukwa kumukweni, nokonyala oyili kombinga yethigathano lyokundaanisa oongalo dho Kwasa.
“Otwa hala oku ninga oongalo ndhoka tadhi ndaanisitha aantu oyendji, noku galulila omulyo gwoongalo dho Soukous moshilongo,” Anchux, gumwe gwomaa imbi yo AmaDazFloor ta ti ngaaka.
Omuiimbi omukwawo gwo Ama-Daz-Floor, Zulu, okwa ti ngashingeyi ongundu yawo oya tula ombunda moshihwa, oku etapo ishewe oalbuma yawo ontine, ndjoka yatengenekwa yikakale ya pita pokati kaMei naJuuni.
Shika osha holoka sho oalbuma yawo ontitatu yedhina Omalenga natango tayi dhana onkandangala, notayi landitha nawa konyala moshilongo ashihe. Oya tegelela ishewe ya ka kale ya pititha okavidio kawo okape kokangalo Okamati, keli moalbuma yawo ontitatu.

LEAVE A REPLY

Please enter your comment!
Please enter your name here