Djeimo natango oye omudheuli dhingi

0
766

KuShipi Elago
_______________

ONGWEDIVA-Omudheuli gwethimbo ele gwosipana yoseko ya Gabriel Taapopi natango ota longo nuudhiginini oku yambula po omaudhano koNooli sho ta tsikile noku nkondopaleka osipana yetanga lyokoompadhi mosekundosikola ndjoka.

Nando oosipana dhokatanga kokoompadhi dhoosikola odha li dha gu pevi muule womimvo dha piti okuyelekanitha nonakuziwa uudhano wosikola yaG.T natango otawu hokitha.

Oosikola odhindji odhina oshindji okwiilonga ku G.T ngele ota shi ya komaudhano oshoka Tobia Djeimo oku li ashike omudheuli gwosipana ndjika okuyelekanitha noosikola oonkwawo ndhoka ha dhi dheulwa kaalongisikola nolwindji ngele oya lunduluka po poosikola mpoka ohaya thigipo omwaka nomaudhano ohaga vulu okushuna monima.

Djeimo oha longo shili nuudhiginini noku li gumwe gwaawiliki aanandjungu ngele ota shi ya kekoko lyokatanga kokoompadhi moNooli.
Gwumwe gwomaadhani ngoka ali ayi na Kundana moonkudathana Olyomakaya ga zi ko okwa li a kuthileko Djeimo embale molwa iilonga iiwanawa ta longo meyambule po lyokatanga kokoompadhi, okwa ti ngashiingeyi G.T ota nana oosikola oonkwo mokudhana okatanga naashika osha tula ondondo yokatanga moosekundosikola moNooli pombanda.

Omudheuli nguka okwa kwatela po omuthigululwakalo gwokatanga kokoompadhi mosekundo ndjika naashika oshi li oshiholelwa oshi waanawa.
Oyendji oye mu yeleke na Jose Mourino omudheuli omunandunge moEurope ngoka a sindana omakopi nosipana yoChelsea, FC Porto nosho wo Real Madrid.

LEAVE A REPLY

Please enter your comment!
Please enter your name here