GT a sindana po uudhano woSeko yaShakati

0
63

KuShipi Elago
_______________

OSHAKATI-Gabriel Taapopi okwa li eshi ulike natango kutya oye omukwaniilwa gwokatanga kokoompadhi moNooli konima sho a li a sindana po uudhano woSekundosikola yaShakati Osoondaha ya zi ko.
Okapale kaShakati oka li ku udha kafa ofenya sho edhingoloko lyahugunina pokati komandangalati gaali G.T na Andimba lya li lya tameke kongulohi yOsoondaha okutothamo ngoka ta ningi omusindani guudhano mbuka.
Gabriel Taapopi okwa li momuzalo gwe gwomeya gondhime omanga, Andimba a li a zala omuzalo omushunga .
Konyala oosikola odhindji odha li dha thigala pokapale nando uudhano wadho owa li wa pwa nale, ashike oyendji oya li yena enota okutala uudhano pokati ka G.T na Andimba oshoka oosikola ndhika mbali ohadhi dhana okatanga dhingi.
G.T okwa li nokuli a tameke okatanga ke hoka a li ashike te ka ngongolitha kombanda yomwiidhi gwokapale nokwa li ta dhana a fa Barcelona yaSpain.
Ashike Andimba naye okwa li a longo nuudhiginini opo a kutheko etanga kuG.T nando ka shali oshipu.
Gabriel Taapopi okwa li a ningi iiponokela oyindji ashike omukwati gwomokoola yaAndimba okwa li a lungundja shoKambishi na okwa li a kwata mo omatanga agehe ngoka ga li ga thangelwamo.
Eyalulo pokafudhepo olya li 0-0 ashike G.T okwa li a zi kokafudho po apya komuhuya nokwa li a tula mo okoola yimwe , nokwa li iifolamo ishewe konima ashike yuuminute uushona, naAndimba okwa li ta monika a teka esipa lyombunda.
Andimba okwa li a tameke okudhana a manamo nokwa li a lapa ko okoola yimwe noku eta engwangwano ku G.T oshoka okoola ontiyali oya li tayi ka etitha oosipana ndhika mbali dhi ye kooPenendi.
G.T okwa li a kutha aayambidhidhi ye momalimbililo sho a li a tulamo okoola ontitatu noku eta eyalulo lyahugunina li kale 3-1 nokwa li a sindana po ekopi, okapandi koodola N$ 1 400 noombandi dhoshingoli.
Andimba okwa li a mono oombandi dhoshiSiliveli nokapandi koodola N$ 900.
Mweshipandeka High School okwa li a toolapo ehala etitatu moka ya li ya hekelekwa nokapandi koodola N$ 700.
Shilumbu Elizabeth okwa li a kutha Osekundo yaShakati kohi konima sho ali a tulamo okoola yuuyuni nokudhengamo G.T okoola yimwe monola noku sindana po ekopi lyokatanga kokoompadhi kaakadhona , na oya li ya yakula po okapandi koodola 600 ekopi noomedalia dhoshingoli.
G.T okwa li a dhengemo Haundano nokusindana po ekopi lyoNetball, omanga Ponhofi a li a sindana po uudhano wobasketball.
G.T okwa li eshi ulike kutya ye keshi okatana sho a li a pondola okusindana po omakopi gaali lyokatanga koompadhi no lyoNetball, na okwa li eya omutiyali muudhano wokatanga kokoompadhi kuukadhona noBasketball.

LEAVE A REPLY

Please enter your comment!
Please enter your name here