Jacky Pop ta pititha okanyandwa kiiyolitha

0
96

KuPinehas Nakaziko
______________________

Omudhani guufeelema wiiyolitha a tseyika nawa Jacky Pop ngele tashi ya mehangano lyiinyandwa niiyolitha otaka pititha okanyandwa ke okapeepeka kedhina Jacky Pop Talks, omwedhi twa taalela.
Jacky Pop okwa ti okanyandwa haka okwe ka luku edhina ndika Jacky Pop Talks oshoka, mu ko omuna iiningwanima iiyolithi, kombinga yomukadhona gwe ngoka e mu hogolola peha lyoodola dhaNamibia omayovi omilongombali (N$ 20 000) ngoka ali a uvanekwelwa kuhe opo a kale Jacky Pop kokule nenge kaa ninge gwe ngaashi osho shi li pethimbo ndika.
Okanyandwa haka okathaanekelwa modoolopa Eenhana kehangano ethaneki lyoofilima oombwaanawa moludume lwoshilongo lyedhina TMD Multimedia.
Kakele kwaashika, mokanyandwa muka omuna omusiki noongalo dhaahikingalo aaNamibia ngaashi S4shoo, China naTangy, okutumbula po ashike yamwe.
Jack Pop ota ti ngoka a hala okutala nkene okafeelema ke li moka ye ta umbilwa mendoloma lyiiyagaya kuhemweno noku dhingolokithwa modoolopa ayihe medhina lyohole, na kale a tegelela okafeelema haka pite, opo yo ya tameke okuyola.
Jacky Pop okwa li a pititha okapambu kokanyandwa haka kepandja lye lyoFacebook omwedhi gwa piti nelalakano okugandja oshikalimo nomulyo gwokafeelema haka uuna taka kapita, noku ulika shoka aantu taya ka kala ya tegelela okutala moshitopolwa shoshinyandwa shika.
Euliko ndika lyomo intaneta okwali lya talika kaantu yaadha po5 000 mesiku lyotango eka tula ko, nongashingeyi okeli lwopaatali yeli 10 000. “Ngashingeyi onda tega ashike aayambidhidhi opo ya kwathe ndje ngame ndi kale nde ka pititha ngaashi sha longekidhwa”Jacky Pop a ti ngaaka.

LEAVE A REPLY

Please enter your comment!
Please enter your name here