Oonakwiiyaka mondholongo natango ina ya monika

0
96

KuLoide Jason
_______________

ONGWEDIVA- Oongangala ndhoka tadhi hokololwa dha nika oshiponga natango inadhi kwatululwa nopolisi yi li mokashoko.
Omiya dhaShinana odha kumagidha oshigwana kutya ngele osha mono aantu mbaka ina shi kambadhala nando oku ya kwata oshoka oya nika oshiponga noonkondo.
Oongangala ndhika odha hokololwa dhi iyaka mondholongo uusiku wokupendukila Osoondaha ya zi ko.
Omupopiliko gwopolisi moshitpolwa shaShana Thomas Aiyambo okwa ti oongangala ndhika odheya mo ashike mOshakati dhali dhe ya okutegelela etokolo lyadho lya hugunina nokupewa egeelo lyadho kOmpangu yopombanda mOshakati.
Oongangala ndhika odhi li ntano ihe ne dhomudho adhihe odha nika oshiponga oshoka adhihe otadhi pangulilwa edhipago, yimwe yomudho otayi pangulilwa eteyo lyomagumbo nuufuthi.
Aiyambo okwa ti aapambele yoongangala ndhika nosho wo ookuume kadho kopaihole ngele na yo oye dhi mono ina ya kala nadho nande nande oshoka aantu mbaka oya pumbwa okuya momake gopolisi.
“ Otatu tengeneke kutya aantu mbaka otashi vulika yeli miitopolwa Ohangwena nOmusati shaashi oko ya zile’Aiyambo ati ngaaka.
Okwa endulula ishewe ati mbaka oya nika oshiponga noonkondo naakwashigwana inaya ninga owina ya hedhe popepi nayo.
Mboka yi iyaka mondholongo oyo nee Alesandrina Wendelinus (27), ta pangulilwa ekwatonkonga okuza muNovemba 2013,Teodor Popyeni Sebedeus (26), ta pangulilwa edhipago, eyonagulo lyomaliko nosho wo okuya ompango yoshilongo moshipala.
Lukas Simeon 26 aza kOkahao okwa li a mangwa shinasha nekwatonkonga nosho wo edhipago, Johaness Haihambo (20) okwa li a mangwa shinasha neteyo lyomagumbo nosho wo uulunga omanga Iipinge Simon 2pac (28) a li a mangwa shinasha nedhengo, edhipago nosho wo eyonagulo lyomaliko.

LEAVE A REPLY

Please enter your comment!
Please enter your name here