Oshikuku Boxing Bonanza ehuliloshiwike ndika

0
16

KuShipi Elago
_______________

OSHIKUKU-Aakalimo yomOshikuku niitopolwa yopuushiinda oombwa dha kwata odheni sho ehuliloshiwike ndika ta mu ke etelwa Oshikuku Boxing Bonanza kuKilimanjaro Boxing Promotions.
Ontsi otayi ka tsima momeya ongula sho Kapena Naindjala na Valde Ndajambekwa taya kaya mondambo okutala ngoka ta ka kutha po oshishani shopashigwana muudhano woongonyo mboka tawu ka dhanwa muule womadhingoloko ge li omulongo.
Aambokisi mbaka yaali oye li ya notelwa oku lola epaya lyopashigwana unene tu sho uudhano wawo wa li wa katelwa nokuyi wa moshipala oshikando sha zileko mUutapi sho oshikungulu shombepo sha li sha yi uudhano mbuka moshipala.
Uudhano uukwawo wongulohi ota wu ka kala pokati ka Michael Benhard na Gabriel Limakwa sho ta ya ka kondjela epaya lyoshiviha sho Lightweight moka ta ya ka kondjithathana muule womadhingoloko gahetatu. Kakele kuudhano mbuka uyali aakalimo yomOshikuku otaya ka mwnyekwa wo komaudhano gaabokisi ya lwe mboka ta ya ke eta omalugodhi gongulohi geli gaheyali. Michael Benhard okwa ti oya tokola oku fala omawudhano gwoongonyo koshigwana onkene ota indile oshigwana opo shi ka holoke momiyalu opo ya ka ondodhe omeho.
Oshiputudhilo sha Kilimanjaro osho dhingi ngele ota shiya poku humitha uudhano woongonyo koNooli noshi li nale she eta po omanyakwa muudhano mbuka na oshi li ha shi unganeke uudhano wopandondo yopombanda onkene kapuna malimbililo aakalimo yomOshikuku ota ya ka pewa ohungi ombwaanawa ongula yanakwasha.

LEAVE A REPLY

Please enter your comment!
Please enter your name here