Bulelo osho a gwanitha euvaneko lye

0
165

SHIPI ELAGO

OSHIKUKU-Hedison Nghipondoka a tseyika nawa Bulelo okwa li a ulukile December Nujoma komutse gwondjamba Olyomakaya ga zi ko muudhano waKilimanjaro Boxing Promotions boka wa li mOshikuku.
Bulelo okwa li a kala ethimbo a ninga po Simon yaMalombo unene tu sho a li a dhengwa yimwe nomiimbondi kuNashivela omvula ya zi ko.
Ashike Bulelo okwa li uulike kutya okuna natango oomemo sho ali eshi pondola okudhenga Decemba niitsa noku galulila enyanyu lyaayambidhidhi ye mboka yali yuudha oshinyanga ongulohi ndjoka.

Uudhano wesiku owa li pokati kaMicahel Benhard na Gabriel Himalwa, mbuka owa li ta wu zitha omahwilili shili oshoka uumati mbuka owa li ta wu dhengathana pwaana ohenda. Ashike Benhard okwa li a pondola okudhenga mo Gabriel niitsa konima yomalweetho gahetatu.
Charles Oshinima okwa li a dhenge mo Sam Sam niitsa omanga Julius Sheefeni ali a dhengwamo wo ku Filipus Ndemuumba niitsa.
Natanael Shimpanda okwa li a dhenge mo Nande Lahulapo muudhano mboka na wo wa li ita wu nuwa omeya.
Uudhano mbuka owa li wa kwashilipalekwa kodoolopa yaShikuku nowa li wa kwatelwa komeho kuKilimanjaro Boxing Promotions ngoka ha wilikwa ku Joseph Benhard.
Benhard okwa li a pendula aakalimo yomOshikuku sho ya li ya holoka momiyalu ominene ta ti Oshikuku osha pumbwa natango oku pewa uudhano uunene , onkene ota shi vulika ya ka faleko natango uudhano monakyiwa.

LEAVE A REPLY

Please enter your comment!
Please enter your name here