Duppa a pititha oalubuma yotango

0
93

MARIA NAMUPALA

ONDANGWA – Omuhikingalo ngoka opo teya mowela Phillip Otto Kapia a tseyika koyendji nedhina lyokostage Duppa omasiku ga ziko okwa pititha oalbuma ye yotango , konima sho a wayimine ehangano lyaahikingalo moshilongo.
Duppa oye gumwe gomomakandangala gombandje ngoka inaa ga hala iipewa niitalenti yawo yi sile moompa, ashike okwa ningi etokolo ewanawa opo a landule oshipewa she shokuhika oongalo ye ta gandja etumwalaka moshigwana ngaashi eshi uvanekele.

Okwa yelitha kutya okwa tameka okuhika oongalo dhe nale, naashino ta ti oheshi ningi molwohokwe nohole ye yokwiimba oongalo, ta ti okwa hala woo okugandja etumwalaka tali pitile moongalo lyo li vule okupulakenwa kaapwilikini oyendji. Pethimbo ndika nekandangala lyombandje nguka okwa pititha oalbuma ye yotango ndjoka tayi ithanwa Page One, oalbuma ndjika okwa ti okwa tokola eyi luke Page one, molwaashoka oyo yotango sho a patulula epandja lyonkalamwenyo ye moongalo.
Moalbuma ye ota mwaadhika oongalo 12, mono ta ti okwa kwathelwa ku yamwe yomaahikingalo aaNamibia.Wumwe womuungalo tawu adhika mo ongaashi Page one instrument, Omtonyo hono ta ti oke holike kaapulakeni, The reason, mono ta gandja omatompelo kutya omolwashike ta hikile oongalo.

Ta ti owundji womuungalo we ota wu kumike aaNamibia unene aagundjuka nkene ye na okwi ihumbata pethimbo ndika lyomahongololo ogendji, nonkene yena okuyambula po oonkalamwenyo dhawo.
Duppa ta gwedha po kutya ota kumagidha woo aanyasha ya yande okulonga iilonga mbyoka tayi vundakanitha nokutula oonkalamwenyo dhawo moshiponga, ta ti naya longe ashihe shoka oshiwanawa noshi li mondjila.
Oalbuma ye oyina oongalo dholudhi lokwaito, Hikwa,Hip Hop, mono owundji a kwathelwa ku Exit, Neslow,Eddy K, Crazzy Dogg na yalwe oyendji. Pethimbo ndika okwi ipyakidhila nokunduluka oalbuma ye ontiyali tayi ithanwa Embulunganga, ndjono ta ti otayi kala ya pita okuya pehulilo lyomumvo nguka.
Ta pula aahikingalo aaNamibia ya kale ye holathane, yo taya longo muukumwe ya vule okuyambula po ehangano lyaahikingalo moshilongo, yo ya gandje etumwalaka tali tungu moshigwana liye nuuyuni awuhe.

LEAVE A REPLY

Please enter your comment!
Please enter your name here