Epangelo lyiindilwa li yambulepo oongeshefa

0
53

Nuusita Ashipala

Ondangwa- Omunangeshefa gwomOndangwa Robby Amadhila okwa li a nkunkilile epangelo lyaa ethe oongeshefa ndhoka dhina ongushu yo kuhumitha komeho eliko lyoshilongo dhi pate.
Amadhila ngono oye eli mwene gwendiki lyokulonga omiyelo mOndangwa Roama Gates okwali a fatulula ngawo kutya oongeshefa unene ndhoka dha pamba okunduluka iilongwamo odha simana nodha pumbwa okutalwako onga ongeshefa dhoshigwana. Amadhila okwali ta popi pongeshefa ye metitano lyoshiwike shaziko, sho a li a taalelwa po kOmuprima gwoshilongo Saara Kuugongelwa-Amadhila.
Amadhila okwali woo iindile epangelo li hulithe po okutota oondjila tadhi ende kondje yoondoolopa ngaashi shali sha ningwa mOkahandja naTsumeb.

Kwaashono omunangeshefa okwa ti otashi dhipaga eliko lyondoolopa ndhoka oshoka oya kanitha aalandi mboka ya kala nale ha ya thikamamo. “Nande nee ota landa mo okanamunate, osha kwathela owala. Oshike ano tuna okweendelela tatu kunduluka ondoolopa?” Amadhila ta pula. Amadhila okwali a gwedha po kutya Namibia okwa pumbwa aakwashigwana yena omukumo nepapudhuko lyokunduluka po iinima oshowo okwiilongela yo yene.

Nomolwaashono okwa indile epangelo oku pitila momuprima li hilithe po okuhawaleka aakwashigwana iikulya yoshikukuta. “Ngu to pewa iikulya owuli ompinge nehumo komeho lyoshilongo shi onkene aaNamibia natu thikameni twi ilongeleni tseyene,” Amadhila ta ti.
Kuugongelwa-Amadhila okwa li iikanyuna kutya epangelo ohali haweleke iikulya. Kuugongelwa-Amadhila okwa ti iikulya ohayi pewa oothigwa, aantu mboka taya lumbu nuulema osho wo aantu mboka ya dhengwa koluhepo nenge koshikukuta.
Amadhila okwa li a hokololele engathithi enene kutya ye okwa tamekele ha opaleke omalugumbo mOndangwa.
Nokonima yokoopaleka omalugumbo okwali a landa iilongitho oyindyi mono woo a li a kutu aanyasha ye mu longele.
Mookoopaleka okwali a zimo a ka ninge oongeshefa dhuundingosho nokonima okwayi mokulonga omiyelo mono nena ya ninga ongeshefa yiithikamena.
Caption (Robby Amadhila jpg) omukuluntu gwoRoama Gates.

LEAVE A REPLY

Please enter your comment!
Please enter your name here