Okancer yokoshidalelo ota i li ovakainhu vahapu

0
178

ALVINE KAPITAKO

Windhoek- Omutonateli woshipangelo shaWindhoek Central okwa ti okaankera yokoshidalelo onghene ili shimwe shomomikifi odo dili oyeeti inene yomafyo mokati kovakainhu.

Omanga ali ta popifa momutumba omo mwali muna oo ali nale omupresidente waAmerica George W. Bush nomukadi Laura Bush oshivike sha dja ko, Dr. David Uirab okwa ti ocancer yokoshidalelo oili po tai indjipala unene mokati kovakainhu ovo vena ombuto yoHIV.
Okwa ti eudeko pambambo ile oku ha itavela etandavelo locancer oyo imwe yomwaayo hai eta opo ovakainhu vomoshilongo vaha monikililwe po ngeenge va kwatwa komukifi ou, shaashi ohava i koipangelo efimbo la pwapo.

Omavalulo a ningwa kehangano lilile po oku lwifa okaankera mounyuni loPink Ribbon Red Ribbon, otaa ulike kutya Namibia okuna omuvalu weepelesenda 18.1 dovakainhu va kwatwa kocancer yokoshidalelo, omanga okuhapupala kwoHIV/AIDS mokati kovakainhu veli mepupi lokudja peedula 15 okuya pombada, kuli peepelesenda 13.3. Omuvalu wovakainhu vakwatwa koHIV/AIDS moNamibia aveshe kumwe oveli 120 000.
Oshifo shimwaina naKundana shoNew Era osha li sha nyola osho sha popiwa komweendifi wehangano loCancer Association of Namibia kutya, kokaankera yokoshidalelo oyo imwe yomeekaankera odo hadi dulu oku keelelwa, shima ashike omukainhu haka konaakonwa efimbo nefimbo (pap smear), nokuli amene alushe ngeenge ta i momilele.

Bush oo eli omuxwaxwameki wo US President Emergency Plan for AIDS Relief (PEPFAR)okwa ti , ovakainhu vamwe ohava kala ovanelao inava kwatwa kombuto yo HIV/AIDS ashike ohave li hange va ninga oihakanwa yo kancer yokoshidalelo. Onghee a indila ovakainhu ovaNamibia opo va fye oshisho vaka konaakonwe voo va nenepeke omhito yokuhakwatwa komukifi ou omudipai.

LEAVE A REPLY

Please enter your comment!
Please enter your name here