Omukuluntusikola a si sho ohauto ya gwile momeya

0
1489

LOIDE JASON

OTJEKUA-Omukuluntusikola gwosikola yedhina Otjekua primary okwa si sho ohauto ye ya gwile momeya konima ashike sho a li ta hingi okuza petale ndyoka. Okwa hokololwa kutya Beatha Shivute okwa li a yi naa pambele ye yaali ya ka teka omeya petale. Ihe konima aniwa sho ya mana okutula mo omandini gomeya mohauto, Shivute okwa shunitha ohauto ndjoka konima opo ya hinge ihe ohauto ndjoka oya ngoongola etayi gwile metale moka yali ya ningine kohi meendelelo.
Mbeya yaali oya hokololwa ya nuka mo ndele okwa li kwa lata omuhingi a nuke mo naashoka osheetitha opo a se omeya. Omupopiliko gwopolisi moshitopolwa shaMusati, Warrant officer , Lineekela Shikongo okwa ti kutya mboka ya li moshihauto moka inaya mona nande oshiponga nonando oya nuka mo.
Shikongo okwa ti nakusa okwa li ena oomvula omilongo 48 nomukalimo gwomomukunda Otjekua.
“Omudhimba gwa nakusa ogwa falwa kokila yopolisi kOkahao hoka gwa ka tandwa naakwanezimo ye oya tseyithilwa oshinima shika ,” Shikongo a ti ngaaka.

LEAVE A REPLY

Please enter your comment!
Please enter your name here