Oonguwo dhomithigululwakalo tadhi ulikwa Pepata

0
28

PINEHAS
NAKAZIKO

Windhoek- Aaholi yoonguwo dhomithigululwakalo ota ya ka nyanyudhwa sho esiku lyokuulika oonguwo dhomithigululwakalo tali ka ningilwa pehala mpoka hapu landithwa nokulilwa iikulya yomithigululwakalo moshilando, Pepata. Oshiindingili shika otashi ka ningwa Olyomakaya ndjika moka aahondji yoonguwo dha yoolokathana ta ya ka ulika uunongo wawo, unene oonguwo ndhoka dhomithigululwakalo.
Oshiindingili shika otashi ka ningilwa kohi yEhuku “Okukwata omuthigululwakalo gwaNamibia.” No tashi ka mona aanduluki yoonguwo ya adha pu yahamano taya ka ulika uunongo wawo nomaludhi goonguwo gawo ogendji ga yoolokathana. “Ngaashi tse tuli aahondji aashona aanongo otwa hala oku tseyitha noku taandelitha uuwanawa woshilongo shetu. Omuthigululwakalo ogwa simana, notwa pumbwa okugu kaleka po, noku gu taandelitha komapipi taga landula, tashi pititle moonguwo,” Suoma Shalongo, gumwe gwomaahondji yoonguwo nomulongekidhi gwoshiindingili shika.
Aahondji mboka taya ka kala yu ulika oonguwo dhawo ongaashi Suoma Shalongo gwoBeYourself Creations, Victoria Kandenge gwoVicky Vogue, Precious Rose-Mary Mukwiilongo gwoMokasa Fashions, Hilya Uushona gwoHotline Fashions, Matheus Erastus gwoMcreation, naMc Bright gwo McBright Fashions.
Suoma okwa gwedha po ta ti kakele ashike koonguwo tadhi ka ulikwa ongulohi ndjika, uusiku mbuka ota pu katya pwaka oshoka ota pu ka kala iinyangadhalwa oyindji yomainyanyudho ngaashi oongundu dhOshiwambo naaHimba tadhi ka ndaanisa noku patulula oshiindingili shika.
“Ota pu ka kala ishewe uukadhona owundji woku enda mboka tawu ka ulika oonguwo ndhika”
Ethigathano lyaahondji dhingi yeli yatatu mboka ta ya ka kala yu ulika oonguwo dhawo dhingi otaya ka sindana oshindji.
  

LEAVE A REPLY

Please enter your comment!
Please enter your name here