OvaLindili va dimbuluka Shisande Van Kent

0
269

TUULIKKI ABRAHAM

Lüderitz – Ovakalimo vomoLüderitz, osho yo etanga loPolifi modoolopa ovadimbuluka pamwe nakufya oo ali oshilyo shetanga lopolifi Shisande Elmarie Van Kent.
Nakufya oo a dalwa modula 1986 edimbuluko longhalamwenyo ya ye ola ningilwa mosaala yaBenguela Etitano ladja ko. Otaku hokololwa Van Kent a xulifa moshiponga shohauto pokati kaAus noBethanie, momafiku 6 Apiilili neudo.
Ovakwashiwana noshoyo etanga lopolifi, ovali va ngudumana nokudimbuluka pamwe nakufya oo a kala ta longele metanga lopolifi moLüderitz, oule weedula nhatu.
Omukulunhu wopolifi modoolopa ya Lüderitz Chief Inspector Paulus Hamupolo okwa tumbula noluhodi kutya etanga loPolifi modoolopa ola kanifa omunandjungu moilonga, ta tumbula kutya ekanifo loludi eli olidjuu okutambulako, shaashi nakufya okwali omunyasha natango. Okwa hokolola nakufya Van Kent a kutwa metanga lopolifi modula 2010, omo a mana omadeulo oupolifi mOndangwa.
Modula 2011 okwa kala omupolifi moshitopolwa shaKhomas, modula 2014 okwa tumwa euye a longele modoolopa yaLüderitz moshitopolwa sha//Karas.
Modula 2015 nakufya Van Kent okwa yelwa okudja ponghatu youkonstable ta tulwa ponghatu yoSeargent.
Nakufya okwa pakwa komukunda wambulavo koBethanie Olomakaya la dja ko.

LEAVE A REPLY

Please enter your comment!
Please enter your name here