Uudhano woVolleyball wa enda nawa moGrootfontein

0
36

SHIPI ELAGO

GROOTFONTEIN-Uudhano woVolleyball owa li wa talele po odoolopa yaGrootfontein ehuliloshiwike lya piti, sho oliha yokoNooli tayi tsikile noku gwanitha po omauvaneko gayo goku fala omaudhano koshigwana. Uudhano mboka wa li wa dhanwa momukokomoko gwetihamano lya zi ko owa li wa thigi oyendji yalala oshoka mpeyaka opwa li oosipana ta dhi dhengwa noonkondo.
Muudhano wooNelende Six stars oye a li a patulula okapale sho a li a dhengemo Eleven Warriors 3-1. Nakapele okwa li a landula ko noku dhenga Oshikoto Nampol 3-1, omanga uudhano wesiku owa li pokati ka Six Stars nOshikoto Nampol moka Six Stars a li a pitile meyulu lyonane okudhenga Oshikoto Nampol 3-2.
Nakapele okwa li adhenge Eleven warriors 3-0.
Muudhano waalumentu Ongwediva Medipark oya li ya dhengwa kuSix Stars 3-1 omanga uudhano uunene wesiku owa li pokati ka Nakapele nOshikoto Nampol moka Oshikoto Nampol sha li sha pondola okusindana 3-2. Eleven Warriors okwa li a kutha onyambi sho osipana yawo yuukadhona ya li ya dhengwa nayi noku hanagula po Six stars 3-0.
Nuudhano wahugunina owa li pokati kOshikoto Nampol na Medipark moka oshikoto Nampol a li a sindana 3-2. Uudhano mbuka ota wu ende noodoolopa adhihe moka muna oosipana nelalakano oku fala omaudhano ngaka koshigwana.

LEAVE A REPLY

Please enter your comment!
Please enter your name here