Aanona yomekondjelo-manguluko ya tidhilwa komagumbo

0
1064

LOIDE JASON

ONGWEDIVA-Aanona mboka ya valelwa mekondjelomanguluko noya kala ye na epundo lya kalela pomweelo gwokamba yopolisi mOndangwa osho ya tembulwa po sho aniwa ya tula omainda mopate ngoka gali ga nika oshiponga taga vulu oku etitha iiponga nomaso.
Moshiwike sha zi ko aanona mbaka oyali ya tula omamanya mopate shoka sha etitha nokuli yimwe yomiihauto yi idhenge mo. Kakukutu komatanga moshitopolwa shaShana, Koommisiona Rauha Amwele okwa ti kutya aanona mbaka oya li ya lalekwa po thiluthilu mpoka na oya li ya lombwelwa opo ya shune komagumbo gawo.

Mokati kaanona mbaka, yatano oyali ya yi mondjedhililo moka muna yamwe ya yi mo oshoka oya yonagula omaliko gaantu ngaashi oohauto ndhoka dhi idhenga momamanya ngoka etadhi yonuka.
Omanga yatatu ya yi mondholongo sho ya yi pehala mpoka ya indikwa okuya, mbaka ayehe yatano oya tegelelwa oku holoka mompangu yaNdangwa oshiwike shika.

“ Aanona mbaka ngashingeyi kandishi kutya oye li peni ihe mpoka, wa ningi omasiku otwe wu kutha po mpoka wa li hau kala no twe wu lombwela wu shune komagumbo gawo shoka mpoka kapu shi ehala lyawo,” Amweele ati ngaaka.
Ashike oonzo dhi inekelwa kuKundana odha hokolola kutya aanona mbaka oyali ya ka kalela okamba yapolisi oshoka omuna ya kwawo yomuyo mboka ya pita omakonaakono guundjolowele taya mono omadheulo.

Ihe yo mbaka oya ndopa omakonaakono sho ya kuthwa ombinzi aniwa oombinzi dhawo ina dhiyela onkee ita ya vulu okuya mpoka puna
yakwawo mboka ngashingeyi. Aanona mbaka oya kala noku eta evundakano sho ya kala mpoka okuza omvula ya zi ko, nopolisi ndjika oya kala noku ya keelela omathimbo agahe ngoka.
Ihe Amwele ngashingeyi okwa ti shika itashi holoka we oshoka ngashingeyi aanona mbaka oya lombwelwa kutya ngele oya shuna po pehala mpoka otaya yi ashike mnodholong.

LEAVE A REPLY

Please enter your comment!
Please enter your name here