Exit a pititha Cum Laude

0
521

PINEHAS NAKAZIKO

Windhoek- David Shikalepo, a tseyika ongaExit eshiwike nawa ongenyakwa mokuiimba oongalo dhoKwaito noDancehall osho a pititha ishewe oalbuma ye, yedhina Cum Laude ehuliloshiwike lya piti.
Cum Laude oalbuma ndjoka ya kala noku tegelelwa koyendji, nongashingeyi oya thika konyala oshilongo ashihe, yo otayi landwa nawa.
Ndjika oalbuma ndjoka yi na oongalo 19, no ta yi inyenge nawa mpaka nampeyaka, unene tu moKatutura. Ngaashi naana Exit a kala noku tseyithila aalanduli ye kutya ndjika oyo oalbuma yimwe tayi ka etelela oshindji, oyendji otaye yi tondokele moositola dhoongalo opo ya kale yi itoolela uuCD wayo omanga inaa wu pwapo.
“Onda kwata ethimbo oku ninga oalbuma ndjika, nondiwete kutya aaholi naalanduli yandje otaa nyanyukwa nawa oku yi pulakena,” Exit ta ti ngaaka. Okwa ti omulyo gwoongalo dhe ogwa kwatela mo ndhoka oompe noonkulu.
Exit okwa ti okwa kala mehangano lyoongalo ethimbo, ngashingeyi noku wete a koka noongalo dhe odha thika pomuthika gwopombanda.
Moalbuma ndjika Exit okwa longa naa ningi yomikwelengendjo ngaashi Elvo, Kboz, Neslow, DJ Chronics na MJay.
Okwa kwathelwa ishewe okuimba kaahikingalo ngaashi AJ Fresh, Neslow, King Biko, Tswazis na MJay. Oongalo tadhi nyanyudha ongaashi “Déjà vu”, ndjoka oyo ongalo yimwe yi holike kuExit, “I just died in your arms tonight,” “Come over” na “Komesho” moka ta kwathelwa kuTswazis. Ota ti oalbuma ayihe oyi na oongalo ombwaanawa, naaholi yoongalo dhe naya kale ye yi ilandela.

LEAVE A REPLY

Please enter your comment!
Please enter your name here