Omunailongo moCoW eli mangeleka

0
915

Helvy Shaanika

Opolifi mOshitukulwa shaShikoto otai konaakona oshiningwanima omo omulumenhu omunamido 45, eli mangeka omanga ali eli mondjila a yuka koushimba ta di koNooli mEtitatu. Otaku hokololwa omulumenhu ou a dimbululwa nedina Lazarus Shapange a dile koshitukulwa shaHangwena ali mondjila a yuka koushimba oko a li ha longo mo City of Windhoek. Shapange vati okwali ashike a ya kopaasa koNooli, nokwali ngeno ta shuna koilonga koomuni waWindhoek.

Otaku hokololwa omulumenhu ou a kanghameka otuwa yaye yoToyota Land Cruizer konyala eekilomenter 10 okudja opoBravo Gate momudingonoko waTsintsabis ndele ta i moixwa omo eke li mangeleka. Ookatalekonawa vati ova tameka nokukonenena otuwa oyo ya fiwa ya kalela opate ihe na etonatelo, osho sha etifa opolifi i ye mo eenyala moshinima nokukonaakona. Mokutalaatala, opolifi oye li twa Shapange a endjelela mongodi ili momuti a fya nale. Shapange ina fiya po okambapila taka hokolola kutya omolwashike eli kufila omwenyo. Otaku hokololwa vali mOmaandaxa oshivike eshi omulumenhu omunamido 22 Jeremia Kaminongua ali omunailongo kofaalama yedina Cando moGuinas naye a xulifa efyo lombaadilila. Kaminongwa nookaume kaye vati ovali tava yoo metale laGuinas eshi a ka ota ko noku kanena momeva. Ookaume kaye ova kendambala okumu konga ashike ina ve mu mona. Otaku hokolwa olutu lomulumenhu fiyo opapa ina li monika nonande ova polifi ovo vadeulilwa okuyowa vadja koshitukulwa shaShana vali veya oku konga mo olutu laKaminongua.

Chief Inspector Edna Nawa wopolifi yokOshikoto okwa koleka a ti ovapolifi ova yowa eekilometa 45 ngeno tava kongo mo olutu laKaminongua ashike ova xulila mounyengwi. Ta weda po ta ti alushe osha kala shi djuu okumona olutu lomunhu a fila metale laGuinas. Luhapu omalutu ohaa kanene mo. Etale laGuinas lili popepi noTsumeb olina eekilometa 5. Nawa okwa koleka omafyo aeshe avali.

LEAVE A REPLY

Please enter your comment!
Please enter your name here