Oshivilo shomakolofish sha fika vali

0
87

TUULIKKI ABRAHAM

Lüderitz – Elelo lodoolopa yokomunghulofuta yaLüderitz oleli longekida oku ka dana oshivilo shoipindi shokomudo sha shiivika nawa Crayfish Festival pexulilo lomwedi ou.
Oshivilo sho Crayfish, oshi ufanene shoipindi shokomudo hashi kala ko odula keshe moLüderitz, okudja eshi sha hovelele tete modula 2008.

Oshivilo shoCrayfish, osha lukilwa oludi loshi oyo ina ondilo, nohai kwatwa ashike noku longwa modoolopa yaLüderitz
Meya wodoolopa yaLüderitz, Hilaria Mukapuli okwa lombwela Kundana kutya fiyo opapa omalongekido oshivilo eshi , otaa ende nawa.
Mukapuli okwa tumbula kutya okwa teelelwa ovashivwa va fimana va konda pomafele atatu ovo taveuya oku tyapula pamwe oshivilo shomakolofishi.

Movashivwa omo omwa kwatelwa ovakwateli komesho momauministeli ,ovakwateli komesho vomalelo eedoolopa, novaleli vado, ooKansela voikandjohoololwa,omahangano opapangelo, oshoyo osheendo shovaleli vomeedoolopa domo Northern Cape moSouth Africa oshishiinda longo shokoumbuwanhu,taveuya pamwe no muPremier wavo.

Meya waLüderitz okwa tumbula kutya nonande ova taalelwa keshongo loku hena eenhele da wana dokukala ovaenda,elelo lodoolopa ola kwatafana, novakwashiwana, opo ou ta dulu oku yandja onhele yoku nangala ovaenda a kwatafane neembelewa delelo, lo doolopa. Mukapuli okwa koleka kutya, ovakwashiwana vahapu ova nyamukula keindilo loludi eli.
Okwa ti, oshivilo shoneudo otashi ka kala sha kula, shaashi otashi wanifa omido dili omulongo. Omupedu Presidente Dr. Nickey Iyambo oye te keuya okupatulula pambelewa oshivilo sholudi eli.

Oshivilo otashi hovele mEtine loshivike ta shi uya fiyo omomafiku a 2 Mai neudo, tashi kala poWaterfront moLüderitz.
Mukapuli okwa shiivifa oiningwanima ya fimana tai ka ningwa pefimbo loshivilo shomakolofishi. Okwa shiivifa ta ku ka kala omutumba wovanangeshefa ovakainhu, wa unganekwa nelalakano opo ovanangeshefa ovo tave shi endifa nawa mongeshefa, va kumike, nokuyandja omayele kovakainhu ovo veli ovanangeshefa vopetameko. Omutumba otau ka kala koLüderitz Nest Hotel mEtine omo tuu omo tashi hovele. Omutumba wovanambelewa ovakulunhupitifi, momalelo eedoolopa moshilongo nao yoo otau ka kala modoolopa yaLüderitz, mehuliloshivike tuu olo.

Efiyafano lokaadona dingi, oko ta kaka ufanwa Miss Crayfish,otali ka kalako yoo mEtine eli twa finda.

LEAVE A REPLY

Please enter your comment!
Please enter your name here