Julheta na Diana ya pandula omaudhano

0
53

SHIPI ELAGO

OSHAKATI-Kundana okwa kundathana naDiana Herman yo na Julheta Armando aamatuki mosipana yOshana noku ya pula nkene yu uviteko esimano lyomaudhano.

Diana Herman gwomimvo 15 eli mondondo onti 10 posikola yaLiberty Heritage ngoka ha kuthombinga muudhano wokunuka okwa ti “ngame ondina ondjodhi opo Namibia esiku limwe a kale oshigwana shi hole omaudhano oku za tuu ko kanona okashona sigo okomukulupe”.
“Uudhano owo oshinima sha simana oshoka ohawu vulu oku hanganitha iigwana tawu kandula po oluhepo oshoka ngele omuntu okwa longo nawa momaudhano unene pamuthika guuyuni nena oha sindana ondjambi ombwaanawa ndjoka tayi vulu oku kandulapo oluhepo nokwaahena iilonga mokati kaagundjuka,” Diana a ti .

Diana ta tsikile ta ti”Onkene otandi kumike oosikola opo dhi kuthe ko omaudhano ongoshinima sha simana , na dhipe uunona ompito opo wu kuthombinga momaudhano ngoka wu hole opo wu tale ngele otawu adha omasindano”.

Okwa ti nonando oku hole omaudhano shika iha shi yi iilonga ye yosikola moshipala, oshoka oha kwata ethimbo lye nawa, no iha li
nando iilonga ye yosikola oshipungo ashike ngele otashi ya pomaudhano ye iha kwata shimboto.

Julheta Armando gwomimvo 13 posikola yoInternational Primary School mOngwediva ngoka eli mondondo onti 7 okwa ti okwa kumikwa kaamatuki ngaashi Johanna Benson. “Onda li nda mono kutya ngele Johanna Benson okuna uulema ndele ota vulu oku ninga nawa momaudhano, omolwashike ngame ngoka ndina iilyo ayihe yi ihwapo itaa ndi vulu okupondola sha?”osho a pula.
Okwa ti omuntu ha kuthombinga momaudhano olutu lwe otalu kala luna uundjolowele kaakuna we, nota kala ena omadhilaadhilo ga ndjanga naashika otashi vulu oku mu kwathela miilonga yosikola.

Otandi pandula omulongi gwandje mee Foibe Neliwa oshoka oye gumwe a dhimbulula oshitalenti shandje shoku matuka nolwindji oha pendje omayele nokukumika ndje nkene tandi vulu oku ka mona omauwanawa momaudhano ngele onda longo nuudhiginini.
“Onda hala opo aanangeshefa ya yambidhidhe epangelo opo yeetepo uupale wu li pamuthika mboka tawu ka kwathela aadhani opo ya kale haya idheulile momahala geli pondondondo yopaigwana.

Julheta Armando oha matuka oshinano shoometa ethele nosho wo oometa omathele gaali.

LEAVE A REPLY

Please enter your comment!
Please enter your name here