Nakuulika kamatyona ondjebo momeva mapyu

0
719

‘Ta ti oku ulika omunhu ondjebo oko oshikoya sha kula, osho epangelo tali dulu oku patulula oshibofa, nande nakuulikwa ondjebo ye mwene ina patulula oshibofa.’

HELVY SHAANIKA

Kavideo ke li kosocial media omo omulumenhu ina tofwa mo natango, ta denge okamatyona ye teka ulike ondjebo, otaka dulu okumu tula moveva mapyu noveta.
Okavideo oko oka eta ehandu mokati koshiwana omo vahapu va yemba nokupa omusamane nakuulika ondjebo oushima molwaasho eli kufila oveta.

Oshivike eshi Deputy Commissioner Edwin Kangwatjivi oo eli omupopiliko wopolifi yaNamibia okwa ti opolifi otai ka konaakona okavideo oko, nande nakuningilwa omunyonena ina patulula oshibofa.

Okavideo oko otaka ulike omulumenhu ena epaya lomoshiya keke limwe ta denge okamatyona oko nako kehe shivike mo meke limwe oli na ondjebo yo bistoli oyo a kala te ka ulike ye te ka tilifa nayo kutya ote ka yashe.

“Ombili tate gwandje otandi ka kosha otuwa yoye,” osho kamatyona a kala peemhito dimwe ta kuu ye ta lili eshi ta dengwa nepaya. Paku tala omusamane ou okwafa ta ti okamatyona oka vaka sha shaye. Koo mbela okena eshi vali ka vaka kOndangwa. “Shaa wa ningi epuko onde ku yasha osho… Shama ashike we li nyenge onde ku yasha osho,” omulumenhu ou ta ti ye ta ulike ondjebo kokamatyona.
Kanguatjivi okwa ti opolifi otai ka konaakona oshiningwanima osho. Ta ti oku ulika omunhu ondjebo oko oshikoya sha kula, osho epangelo tali dulu oku patulula oshibofa, nande nakuulikwa ondjebo ye mwene ina patulula oshibofa.
Kanguatjivi ta ti opolifi ota i ka ninga omakonaakono moshinima omo opo ku talike ngeenge ondjebo oyo ya longongifwa oyoshili, ile pamwe oshidanaukifo.

Vahapu ovo va tala kosocial media, unene kofacebook ova pa nakuulika omunhu ondjebo oushima molwaasho eli kufila oveta noku dengaula okamatyona naunene tuu eshi e ka ulika ondjebo.
“Omulumenhu ou okwa pumbwa oku ya moipandeko molwaashi ta ulike omunhu ondjebo. Oku ulika omunhu ondjebo oshimbuluma sha kula.” Osho umwe a ti.

“Keshe ou e wete oshinima eshi shi li mondjila keli nawa momutwe. Na ita dulu oku kala omudali,” osho mukwao a tumbula.
Ashike vamwe ova popila omulumenhu tava ti “ombudi nai dengwe.” “Ah iimbudhi oyi nongila nayi shili. Ngaye kandi wete pena epuko lyasha mpoka. Ne yamwe ota mu popile [kamatyona] shaashi ina mu yakelwa sha natango pamwe,” osho mukwao a ti ngaho.

LEAVE A REPLY

Please enter your comment!
Please enter your name here