Oondjimbo dholudhi lwoJazz moVenduka nena

0
65

‘Omusika ndjoka hatu etapo oya nwethwa mo shinene komulyo gwojazz ngoka guna omuhingo gwoshiAfrika nogo neo-soul, tayi dhanwa nomukalo ngoka tagu kumike aatali naapulakeni nayo ya tameke okundanisa omanga omusiki ndjoka tayi dhanwa kaanduluki yayo ethimbo ndyoka’

SABINA ELAGO
WINDHOEK-Osha ninga ishewe ongulohi yomusiki hayi hikwa nomankuma nenge ojazz ndjoka yi na enwethemo lyoshiAfrika to yi etelwa koonkulungu dha hangana kohi yedhina Soul Kombo ndhoka tadhi kiimba iiyimbo mbika pendiki lyoFranco Namibian Cultural Centre (FNCC) ongulohi ndjika.

Poshiithanene shika omupulakeni otaka uva nokumona oonkulungu momusika ndjika yo jazz noAfro-fusion osho wo neo-soul, dhooRahma the Bass, Ali Jonker, Nokuphila, Nasim na Tapz ndhoka dhiimanga kumwe nokutholoma po ehwata tali ithanwa Soul Kombo.
Mbaka otaa kiimba pethimbo ndyoka pendiki ndyoka ongulohi ndjika.
“The Soul Kombo ongundu yaa imbi haya hiki iiyimbo yoafro-jazz ndjoka ya thikama po miilyo iiNamibia osho wo mu yimwe mbyoka ya za koUSA nokoZimbabwe.

“Omusika ndjoka hatu etapo oya nwethwa mo shinene komulyo gwojazz ngoka guna omuhingo gwoshiAfrika nogo neo-soul, tayi dhanwa nomukalo ngoka tagu kumike aatali naapulakeni nayo ya tameke okundanisa omanga omusiki ndjoka tayi dhanwa kaanduluki yayo ethimbo ndyoka,” Rahma ngoka eli oshilyo shoSoul Kombo osho a ti. 

Okwa ti ongundu yawo omasiku ga piti oya li ya longo pamwe nomuhikingalo hiitanga, Meta osho wo nonkulungu yokoZimbabwe Slick Artie nomuhikingalo omukwawo omuZimbabwe, Vee Mukarati moVenduka.

Nena aapulakeni otaya ka uva omawi omawanawa goonkulungu Rahma the Bass, omutameki, omunyoli osho wo omwiimbi gombaatha a za koUSA taya imbi nawa nonuunongo pamwe na Nasim omuNamibia ngoka hiimbi omufango gworock, nohip-hop ye ishewe oha hiki oshiketala.
Oonkulungu adhihe ndhika otadhi kiimba pamwe pendiki lyopamithigululwakalo lya FNCC moVenduka. 
Rahma okwa ti otaya ka imba omusiki ndjoka ya kwatelamo soul, “ota yi vulu okukala oondjimbo dhopambepo nenge dhohouse dhanwethwamo komuhingo goshiAfrika pamwe noJazz.”

Uutekete wopomweelo otawu adhika poFNCC kooN$80 ngele owa landa ngashingeyi nenge oo N$100 pomweelo esiku lyoshiithanene shoka tashi ka tameka potundi onti- 20h00 kongulohi.

LEAVE A REPLY

Please enter your comment!
Please enter your name here