Oshana nOmusati ya tumu osipana ya kola kOvenduka

0
108

SHIPI ELAGO

OSHAKATI-Oshitopolwa shaShana noshaMusati oya li ya ningi omadhewo gawo ga hugunina etiyali lya zi ko okulongekidha aanasikola ye vule pethele[100] ya za moosikola dhomiitopolwa mbika iyali mboka taya kuthombinga muudhano wopashigwana wa tameke ohela moshilandopangelo.

Omunambelewa gwomaudhano mOshakati Toini Kasheeta okwa ti oya li ya gongele uunona mbuka opo ye wu pe omadhewo nomisindalandu ndhoka hadhi longithwa momaudhano.

Okwa ti uunona owundji owa za moosikola dhomomikunda onkene kawu na lela ontseyo yothaathaa ngele otashi ya kuudhano wopashigwana, onkene omadhewo ngaka oga li lela ge wu kwathele opo wu tunge po ontseyo ndjoka tawu ka longitha uuna tawu matuka.

Okwa ti nando ka ya li yena omutengenekwathaneko moshiketha shawo gwa nuninwa okudheula uunona mbuka oya li ya mono omakwatho okuza kaanangesefa moshitopolwa opo ya vule oku palutha aanona mbaka uule womasiku gaali ngoka ya li ya kala nawo.

Omwaalu omunene gwaamatuki haya zi kiitopolwa yokoNooli ohagu kuthombinga muudhano wiinano iile no haya ningi wo nawa.
Oshikoto nOhangwena nayo oya li ya wayimina Oshana nOmusati mela lyondjila okuya kOmukuto ya ka tale ngele genongo otaga fe goNgombe.

Aanasikola oya li ya yunga ontanda pOshakati Youth Hostel, noya li haya yi komadhewo pokapale kEmanguluko mOshakati.

LEAVE A REPLY

Please enter your comment!
Please enter your name here