Oshikoto Nampol moliha yokoNooli

0
64

SHIPI ELAGO

ONGWEDIVA-Oshiwike shika Kundana ote ku etele osipana yOshikoto Nampol Volleyball Club yaamati naakadhona ndjoka ta yi kuthombinga lwotango muudhano woliha yoVolleyball koNooli nuumvo.

Konima sho ya totelwe momumvo 2012 sho ya li ya kuthombinga muudhano womiya dhashinana, osipana yoVolleyball yaamati naakadhona oya li ya hwama nokutsikila komeho moka ya li ya mono omasindano ogendji moka mwa kwatelwa esindano enene ndyoka ya li ye li mono muudhano woHPC moka ya li ya sindana ehala lyotango.

Oshikoto Nampol ohashi ningile omadhewo ga sho modoolopa yaTsumeb moka ya kala okuza sho ya li ya totwa sigo okeluwa ndi.
Okalaba ndjika oyi shiwike nawa nomuzalo gwayo gwoKambindja okatokele nokambulukweya okaluudhe na oha yi tyakaleke oyendji.
Osipana ndjika oya kalelwa po kaadhnani yaza moshikondo shoPolisi ashike omuna wo okamwaalu okashona kaadhani ya za melelo lyodoolopa nomoshikondo shuuyuki. Oshikoto Nampol osha thikama po konyala maadhani yena ontseyo yuudhano mbuka ngaashi Elina Nehale ,ngoka ena lela ontseyo mokudhengelamo omatanga,na oku li omudhani gwopashigwana ngoka a longela etanga lyoPolisi yaNamibia konyala uule womimvo 10.

Thermah Tubayunge omudhani a pyokoka mokutuma omatanga,omanga Albertine Ananias ngoka eli wo omudheuli, omuhiki hiya a pyokoka ota ka gandja wo ontseyo ye kosipana ndjika.

Martha Andreas okwa nika oshiponga mokudhenga noku keelela omatanga na oye li ya tegakana na Loini Endjamba ngoka opo a mono ompito yotango okudhana muudhano mbuka no ta ulike omundilo omwaanawa moku tuma omatanga.

Elizabeth Henghali na Thresia Kaudinge nayo wo aadhani aape muudhano mbuka na otaya ulike omundilo omwaanawa.
Mwita Skop okwa ti egwedhomo lyOshikoto Nampol Volleyball Club moliha yokoNooli ota li ka tula ondondo yethigathano yoliha ndjika nongushu yoliha ndjika pombanda.

LEAVE A REPLY

Please enter your comment!
Please enter your name here