Ovanafaalama moAus otava lili koluteni

0
83

Tuulikki Abraham

Aus – Ovanafaalama moAus otava lili molwodula oyo ina i loka konyala oule weedula hamano paife. Aus oi li moshikandjohoololwa sha!Nami#nus, oule weekilometa 123 okuya modoolopa yokomukunhulofuta yaLüderitz, moshitopolwa sha//Karas.
Omunafaalama umwe moAus Petrus Shiimbashike ota hokolola kutya, konyala eedula hamano paife da pita po inava mona nande odula ya wana. Odula ei vamona neudo oinini neenghono.
Shiimbashike ota ti, onghalo youkukutu, ei ovanafaalama ve li muyo neudo moAus, oye li xulwa mo nale konima yeedula 30 lwaapo.

Konima eshi oshilongo sha manguluka ota ti eshi osho oshikando shotete, onghalo yoshikukuta ya hanya tai hangika meefaalama domoAus.
Shiimbashike ota tumbula kutya, eedula dapita, ngee moAus ina va mona odula ya wana, ohava dulu yoo okumona omata omeva oo haa wile moshitukulwa pefimbo loutalala, haa kwafele neenghono, okukulika omwiidi opo oimuna i xupe.
“Eedula adishe odo twa dja, odula i na i tu loka, noutalala ina tu u mona, ovanafaalama vamwe oveli nokuli melipyakidilo okulandifa po oimuna yavo, osheshi oimuna yomoAus, oule weedula adishe edi ota i li ashike meendjato,.Oimaliwa oya pwa po nokeembanga kaku nasha vali “. Shiimbashike osho a tumbula. Shiimbashike okuna eindilo eli yukifa kepangelo osho yo oshiwana, opo, va yambididwe monghalo omo veli.Oimhuna yavo kaina nande osheshi tai li, shaashi moAus omwakukuta.

LEAVE A REPLY

Please enter your comment!
Please enter your name here