A si sho a pile mondunda

0
395

‘Shoka osha etitha opo nakusa a pyepo sigo ota lunguna po, okwa li iipatela mondunda okuza meni’

LOIDE JASON

ONGWEDIVA-Omulumentu gwomimvo omilongo 57 okwa si eso li nyanyalitha sho a lunguna po thiluthilu konima sho ondunda ye moka ha lala ya kwatwa komulilo nokupya po.
Okwa hokololwa Tomas Ndilo Iipinge gwokomukunda Ongozi moshikandjohogololo Okahao moshitopolwa shaMusati a mana oondjenda Omaandaha goshiwike shika.
Uuyelele mbuka owa kolekwa komupopiliko gwopolisi moshitopolwa osho tuu shoka Warrant Lineekela Shikongo ngoka ta ti he yanakusa ngoka eli mepipi lyuukulupe ina vula okuhupitha omwana oshoka okwali patella mondunda oku zilila meni.
“Shoka osha etitha opo nakusa a pyepo sigo ota lunguna po ooshoka kaa pwa li ompito ya sha okumu hupitha, okwa li iipatela mo okuza meni lyondunda,” Shikongo a ti ngaaka.
Shikongo okwa tsikile ko ta ti kutya oshi etithi shomundilo ngoka kashi shiwike, na nakusa oya li mo ashike yaali megumbo na He gwomukokele lela ngoka a li a lala mondunda ye pethimbo lyoshiponga shoka.
Omupopiliko gwopolisi okwa ti ngashingeyi oshipotha sheso osha patululwa nomakonaakono moshinima shoka otaga tsikile.
Okwa hokolola woo kutya oofamilia dhopaali adhihe odha tseyithilwa eso ndika lyomupambele gwawo.

LEAVE A REPLY

Please enter your comment!
Please enter your name here