Tseya omudhani gwoye nawa

0
289

Epandja lyomaudhano lyaKundana otali tsikile noku ku etela oondjumbeta momaudhano mevi lyOmapendafule ngoka haga dhana ngashiingeyi naangoka ga tsilika nale oongaku dhomaudhano.

Nena Shipi Elago oteku etele oonkundathana a ningi nomudhani omukulu gwoYoung Chiefs Leizy Nainda ngoka wo eli omutoloki gwomaudhano moRadio Energy, nokuli omuhikihiya muudhano woongonyo.

Leizy okwa tameka osikola yopevi poprimasikola yaShakati mpoka a hiti sigo ongundu ontine na he okwa li emu shunitha kOikokola hoka a kala ta sikola sigo ostanda 8 nokonima okwa li a galukile ishewe kOshakati nokunongekwa moseko yIipumbu.
“Onda li nda kwatwa kohokwe yomaudhano pethimbo nda li mosikola, nuunene onda li he kuthombinga muudhano unene tuu ngele osikola oya unganeka esiku lyomaudhano.’ Nainda a hokolola.

‘Mokukala kwandje mOshakati onda li nda mono ompito opo ndi dhane etanga lyokoompadhi moostrata dhaShakati ndyoka nda li ndi hole nolwindji onda li nda thiminikwa opo ndi yake iistolofe/ iikamusino megumbo opo tu ninge okatanga kiilapi tse tu dhane nooyakwetu.” Nainda a tsikileko

Onda li nda ningi elago oshoka ongame gumwe gwomaadhani ya li ya tungu po osipana yoYoung Chiefs yomOshakati ndjoka ngashiingeyi yi hayi dhana moPremier League.

Kakele ko Young Chiefs Leizy okwa ti okwa li wo a dhanene osipana yoGolden Bigs yomOngwediva ndjoka wo nayo yakala omimvo hayi dhana moliha yoFirst Division moshilongo.

Leizy okwa li wo a dhana oBokisa ashike okwa ti inaya lela kokule muudhano mbuka oshoka okwa li ashike a dhana pamuthika gwosikola nokwa li a kalele po osikola yIipumbu momaudhano gopashitopolwa nogo pashigwana.
Okwa ti molwohokwe yuudhano woongonyo oti ilongo opo a ninge omuhikihiya guudhano woongonyo nomugandji gwiitsa a pyokoka ta vulu okuwilika uudhano pandondo yopauyuni naashika Leizy ohe shi ningi pethimbo ndika.

Ngashingeyi uudhano mboka ndi hole ongaashi etanga lyokoompadhi,uudhano woongonyo ,oateletika nosho wo uudhano wiihauto woFormula1 ashike okwa ti ongomutoloki gwomaudhano ngashiingeyi ohi iyadha ngaa ne ta tala omaudhano kehe opo a ka tolokele oshigwana mombepo.
Leizy okwi inekela kutya ngele omaudhano gopekota oga silwa nawa oshimpwiyu nena ota pu ka monika iiymati iiwanawa, ngaashi ya gandjwa kooFrank Fredricks, Harry Simon, Collin Bejamin naashoka oshitalala sha Julius The Blue Machine Indongo.
“Ngashiingeyi ondi li omuhiki hiya nomugandji gwiitsa moshilongo na ohandi vulu okuwilika omaudhano gomapapa gomalugodhi gombokisa gomahangano ngaashi WBO, IBF, WBA na WBF.
Onda hala muule womimvo ntano dhi li komeho opo aaNambia ya ka mone ndje koTV tandi hiki uudhano wombokisa ongele opamuthika gwAfrika nenge ogopauyuni.
Leizy oku li wo ti ilongo noshiputudhilo shoFIFA olicense yokudheula aakwati yomokoola.

LEAVE A REPLY

Please enter your comment!
Please enter your name here