Alex omudheuli gwoYoung Chiefs natango

0
82

SHIPI ELAGO

OSHAKATI-Alex Itumba oye natango omudheuli gwoYoung Chiefs,naamboka taya ti kutya okwa tidhwa otaya fundju, Hafeni “Maniki”Shikulo ta ti.
Hafeni okwa li a yamukula komufofoto kutya Alex okwa pewa olukaku kuYoung Chiefs nokwa pingenwa po komudhani omukulu gwoBrave Warriors nosipana yOshakati City, Fillemon Cascas Angula.
Pethimbo a li moonkundathana naShipi, Hafeni okwa li a koleke kutya eeno oya eta Cascas koYoung Chiefs, ashike ine ya okupingena po Alex.
Okwa ti shika oya li ye shi ningi oshoka Young Chiefs okwa li iyadha pokati komwele nolumpangwa sho omudheuli gwawo Alex a li ena oshinakugwanithwa shoku fala osipana yOshana kekopi lyoThe Namibian News paper Cup ndyoka lya li komunkulofuta pethimbo lyaPaasa.
“Ka twa li tuna shoka ta tu vulu oshoka otwa simaneka ongushu yosipana yoshitopolwa onkene otwa li twa pe Alex omukanda ngoka gwa li gwe mu pe epitikilo opo a ka kuthombinga muudhano wekopi lyo The Namibian Cup ongomudheuli, onkene otwa li tuna oku eta mo ngoka ta kala nosipana oshoka natse otwa li wo tu na oshinakugwanithwa shoku dhana mekopi lyo Debmarine Cup kOshomeya,”Maniki a ti.
“Alex Itumba oku li omudheuli gwoYoung Chiefs na shi uvike ku kehe gumwe notwa tegelela ashike iilopote kiilonga oshoka ine shi ninga natango konima sho twa li twe mu mangulula kiilonga ye pakathimbo omanga a li ta kwathele osipana yoshitopolwa.
Alex Itumba okwa li wo a hololele Kundana kutya ye ina pewa nando ombaapila tayi mu tidha, ashike Young Chiefs okwa li emu pe omukanda ngoka gwe mu pitika opo a fale osipana yaShana kekopi lyo The Namibian.
“Ngele oya hala nda tidhwa naya tegelele Young Chiefs a ninge omatokolo ge oshoka ngaye itandi vulu okukondjela oshipundi shoYoung Chiefs oshoka ngaye ondina onkalamwenyo yandje na ina ndi ikwatelela moYoung Chiefs,” Alex ta ti.

Ashike Maniki okwa li a holola kutya Cascas ota ka tsikila niilonga mongashiingeyi , ta ti “ito vulu okutidha omuntu ngoka eku etela iiyimati iiwanawa unene tuu sho a li e tu kwathele tu ye kedhingoloko lyalandulako mekopi lyo Debmarine Cup, ta ti ewiliko lyoYoung Chiefs ota li ka kuutumbila oshikumungu shika opo ku ta like kutya aadheuli mbaka otaya ka longa ngiini methimbo ndika”.

LEAVE A REPLY

Please enter your comment!
Please enter your name here