A dhipagwa sho a tindi oku kutha mo etegelelo

0
3027

ONGWEDIVA-Omukiintu omugundjuka okwa si eso linyanyalitha sho a yahwa montulo nuuta wanangongo komulumentu gwe sho aniwa a tindi oku kuthamo etegelelo lyoomwedhi ne ndyoka a li a humbata.
Oshiningwanima shika osha ningwa anuwa pomukunda Omhumbu moshikandjohogololo Ogongo moshitopolwa shaMusati, sho omulumentu nguka anuwa a yaha omukiintu gwe nuutati megundji lyokolulyo.

Okwa hokololwa kutya nakusa ye nomuholike gwe ngoka, ayehe oya li aanasikola ihe oyena okanona kokamati komvula yimwe.
“Omutamanekwa okwa kondjitha omukadhona gwe nguka anuwa opo a kuthe mo epunda ndyoka ihe omukadhona okwa tindi oku shi ninga. Etindo ndika olya geyitha ihe omuholike gwe ngoka anuwa a kutha uutati ete mu yaha megundji lyokolulyo,” omupopiliko gwopolisi Shisande Anna Kunga a ti ngaaka.

Kunga okwa hokolola kutya nakusa ngoka ena oomvula omilongo mbali (20) okwa li omunasikola mondondo ontimulongo nayimwe omanga omutamanekwa ali eli mondondo ontimulongo.
Elalakano lyomumati opo a lombwele omukadhona a kuthemo epunda kali shiwike .
Ihe Kunga okwa ti kutya nakusa okwa sile mpoka a yahelwa, sho a tindi okuhoyamo epunda lyoomwedhi ne.
Omufekelwa okwa kwatwa po kopolisi nokwa holoka mompangu ya mangestrata mOutapi moka a li a tindilwa okui ifutila mo noshipotha she oshu undulilwa komeho omanga omanga omakonakono gopolisi taga tsikile.

LEAVE A REPLY

Please enter your comment!
Please enter your name here