Gazza uulike kutya oye omukwaniilwa koNama’s

0
588

EVELINE DE KLERK

Walvis Bay- Omuhikingalo e shiwike nawa moNamibia, Lazarus Shiimi, nenge Gazza okwa ulike ishewe kutya oye omukwaniilwa mokuhika nokuiimba oongalo moNamibia.
Omuhikingalo omunedhina nguka oye a li omusindani omunene poshiithanene shegandjo lyomapapa ehuliloshiwike lya piti. Gazza okwa faalele omasindano gane pethimbo lyoshiindingili shika oshitiheyali shoNamibian Music Award Olyomakaya ga zi ko mOmbaye.
Gazza okwa sindana ongomuhikingalo dhingi omulumentu komvo, oye ishewe a hika oalbuma dhingi komvo hayi ithanwa Pumumu, osho wo ondjimbo pa longelokumwe yoAbangani Bako taya imbi naEmtee & Saudi osho wo okwa pewa epapa lyashewa lyesimano.
Eyadhimo kwaamboka ya li poshiithanene shika inali uvitha nayi nando aaholi yomusika mboka ya li poshinyanga shoka oyendji okutala aahikingalo yawo mboka ye hole taya dhana.
Jericho, Gazza taya imbi naEmtee and Saud, Monique English osho wo Marantha pamwe na Rebecca Malope nosho wo Elemotho oya imbi shi vule pomithika dhawo dhokuiimba dhesiku kehe, ongulohi ndjoka.
Omunedhina muuhikingalo Elemotho oye a li omusindani gwepapa lyomuhikingalo aadha oshindji moshimpungu shika. Young T na ye ina uvithwa nayi koshitalendi she shomusiki sho oye a pewa epapa lyomwiimbi gwomusika yokwaito molwongalo ye Fikulimwe osho wo eimbilo lyokomvo Fesha ta imbi naVoster & Wizblack.
Doris oye a sindana po epapa lyomuiimbi gwoafro pop osho wo ndyoka lyoshiimbo oshiwanawa momufango gwohouse.
Ombaye na yo oya mono wo omasindano gaali sho Monique English a sindana ongomuhikingalo dhingi omukiintu komvo molwoalbuma ye, Since 1994.
Omanga aaimbi yaali T-Bozz & Staika yomOmbaye oya sindana epapa dhingi momufango gwoDamara punch neimbilo lyawo, //Nau !a ta ge ra sadu tsâsiba .
Oteya naye okwa mono omasindano gaali omawanawa momufango go Soukous/kwasa keimbilo lye lyovillage boy ad nokavidio kokomvo kedhina All or nothing. Sally Boss Madam, oye a kutha po eimbilo lyomoradio lyokomvo osho wo ongalo yimwe ayike neimbilo lye, Natural.
Omuiimbi a kala mo nale mokuiimba Hip hop, Jerome Gawanab, aka-Jericho okwa galukile mondambo nokwa pewa epapa lyomuhiki dhingi gwo hip-hop neimbilo lye If Only, konima sho a li iimbi nawa kosteiga.
Diop okwa yi nepapa lyomwiimbi dhingi gwOviritje molweimbilo lyeGuita Boy,omanga eimbilo dhingi lyopamuthigululwakalo lyapewa ongalo yoKrismesa yedhina Iinima iiwanawa kiikala pamwe taya imbi pamwe naKamati
Micheal Pulse okwa sindana mokategoli koR&B molweimbilo lye, When I need her.
Omuhikingalo opo te ya mondambo nuumvo oye House Guru Gang neimbilo lyawo father bless and Jaleel. Onkulungu yokoSouth Africa, Cassper Nyovest oya pewa epapa lyonkulungu yomoAfrica yokomvo.
Epapa lyOngalo yoshiAfrikaans osho wo ndjoka yoKizomba odha pewa Bradley Anthony.
Omwiimbi gwoGospel Maranatha, oye a sindana ondjimbo dhingi yopambepo neimbilo lye, In Your precence osho wo okuiimba nawa pethimbo lyokuiimba kwaDesmond Dube.
Ondjimbo dhingi yoreggae oya pewa Florence molweimbilo lye African child moka iimba pamwe na Ras Sheehama. Ongalo dhingi yoShambo oya pewa o Satlam & M-Jay yiimba pamwe naD Kandjafa, Odula.
Onkulungu ndjoka yi na oshinakugwanithwa shopankalathano komvo oyo Lize Ehlers neimbilo ewanawa li na etumwalaka olya pewa N.I.A – Change ta imbi pamwe naMonique English
Onkulungu yi na elandulathano yokomumvo oyo Adora, omanga oshinyangadhalwa dhingi shokomvo osha yi kuDoctatainment for Windhoek Spring Fiesta (All White Edition).
Okuiimba okwaana kwokomvo nomunduluki dhingi komvo osha yi ku Sam E Lee Jones mokutulakumwe oalbuma yaGazza,Pumumu.
Omutuliko gwoongalo moRadio gwokomvo oye Lukas Nambala omanga June Shimuoshili oye omukundaneki dhingi gwomainyanyudho gwokomvo.

LEAVE A REPLY

Please enter your comment!
Please enter your name here