Namwater a lafulula okanala

0
152

LOIDE JASON

OSHIKUKU-Ehangano lyaNamwater olya kutha onkatu opo li lafulule oompompolokelo dhomeya mokanala ndjoka ya filala kevi she etithwa komeya gefundja sho taga kunguluka.
Omupopiliko gwehangano ndika Johannes Kadhila Shigwedha okwa ti oompompolokelo ntano uuntompa omilongo 22 owali wa filala naashika oshe etitha omeya opo ga mwene manga okukunguluka okuthika kOshakati.
Okwa ti oompompolokelo ndhika odha za kOgongo ndongolo okOshakati.
“Uuna omeya inaa ga thika ko kOgongo nena Okahao noShikuku kashi na omeya na ngashingeyi otwa tokola opo tu fululule omeya ga tameke okutondoka go ga wape okuya moompungulilo dhomeya pomahala ngoka,” Osho a ti ngaaka.
Ngashingeyi omeya oga patululwa na oga tameka nale okweenda ashike otashi pula omasiku geli gaali okupombelwa moompungulilo dhomeya oonene mOshakati.
Osha pula aaniilonga mbaka uule woshiwike ashihe okulafulula okanala ndjika mpoka pwali pwa thitikwa kevi.
Oondumba dhomavi ngoka ga za mo ogendji unene shoka Shigwedha ti osho sha li sha imbi omeya ga .ende ga manguluka.
Okwa tsikile ko ta ti ngele oondolopa ndhoka hadhi mono omeya okuzilila moKanala haka inaa dhi mona omeya nena shoka otashi vulu oku etitha enota.
Naashoka hasho ehangano ndika lya hala.
Aaniilonga mboka yi iyamba okulafulula okanala opo omeya ga tameke okwe enda nawa otaya futwa N$120 mesiku..

LEAVE A REPLY

Please enter your comment!
Please enter your name here