Omizalo koNama’s hwangu ashike Nama ke shi iizalomwa,’ Petrina a ti

0
1410

SHIPI ELAGO

ONGWEDIVA-Omizalo dha yamwe mboka ya li koshituthi shoNamas 2017 odha thigi oyendji ta ya tsu omazima nomuntu oto ipula kutya mboka ya li ya zala iikutu tayi monikila noku ulika iitopolwa yomalutu mbyoka iha yi vulu okumonika ku kehe gumwe oya fuulwa kushike?
Kundana okwa li a yi moonkundathana na Petrina Methews gwumwe gwomaahondji naanduluki moshilongo opo etu pe omaiyuvo ge kombinga yomizalo dhokoNama 2017.

“Oshituthi sho Namas oha shi pe aahondji naanduluki yiihondjomwa moshilongo ompito yoku u lika uunongo wawo, noku zaleka aahiki yiihikomwa na kehe ngoka ta yi koNamas oshoka esiku ndyoka kehe gumwe oha kala a hala i imonikile,ashike ondi wete kutya aantu ayehe mboka haya yi koNamas ayehe aantu ya koka noyena oondunge dhiihwa po,oku ninga omatokolo kutya oshike yena okuzala mokati kaantu naashoka yaa na okuzala,” Petrina a ti.

“Nama oshituthi shaayehe mboka ta ya vulu onkene kandiwete yena oonkondo dhoku lombwela aantu nkene yena okuzala oshoka kehe gumwe okuna uuthemba wokuzala shoka a hala ashike na shi kale ashike shi ikwatelela komuntu kehe , a kale eshi kutya ngele ondu uka mokati kaantu nandi zale ngiini,”Perina ta tsikile.

Okwa ti omipambo dhiizalomwa ya yamwe mboka ya li koNamas odha li shi li dha pitilila na odha li tadhi ulike sigo okohi yiizalomwa, oshinima shoka mboka ya li ya zala ngawo ya li yena okwi ipula kutya ota shi eta efano lya tya ngiini kwaamboka taya tala oshituthi shika ngele omoTV nenge mboka ya li moshinyanga.
Omupopiliko gwoMTC John Ekongo okwa ti MTC na NBC oyena ashike oshinakugwanithwa sho ku etela oshigwana oshituthi sha za oona, na ka yena oshinakugwanitha shoku lombwela aantu nkene yena okuzala. Okwa ti Namas oshituthi oshinene moNamibia naantu oha ya kala yamanguluka okuzala ngaashi ya hala, ashike okuzala kwaantu hako oshituthi shoNama,Namas okuvule po mpoka onkene aantu koohandimwe ina ya talela oshituthi shika momaihumbato gokamwaalu okashona kaantu mboka haya kala yahala okuhila omeho gaantu.
Omafano ga yamwe mboka ya li ya zala inaashi pandika oga ningi esiku ga tulwa koosocial media odhindji moshilongo.

LEAVE A REPLY

Please enter your comment!
Please enter your name here