Efyo linyanyalifa pamupya

0
3015

OMUTOOLINGHUNDANA

EENHANA – Opolifi yoshitukulwa shaHangwena otai konaakona oshiponga shefyo lopamupya lo olinyanyalifa lomunamido 82 Matheus Tueumuna wokOshifitu moshitukulwa shaHangwena a lyatelwa ketuwa mEenhana Etitano la dja ko.

Oshiponga eshi osha kolekwa komupopiliko wopolifi yoshitukulwa shaHangwena Shisante Kaume Itumba. Omunambelewa wopolifi ta holola kutya, Tueumuna okwa lyatelwa pokapale kokulondeka nokuhelulila ovatwaalelwa mEenhana omutenya,okwa li a nangala ta fuda po pomudile wetuwa laNaftali Isak womido 62 pelola lokomesho yetuwa kombinga yokolumosho.

Opolifi oya lombwelwa keembangi pokapale kutya Isak a dja kOmulonga waNdevahoma moshikandjohoololo shaShikunde mOhangwena vehe shaafane naTueumuna, oha londekele nokuhelula ovatwaalelwa pokapale opo tuu opo. Mokuxwameka etuwa ina mona ou a li a nangala a tula omutwe petaiyela lokomesho kolumosho le mu tyanghula omutwe mefyo linyanyalifa.

Itumba ota ti, meendelelo eembangi oda shiivifila opolifi, ta weda po kutya, nakumona oshiponga okwa dja kOshifitu moshikandjohoololo Oshikunde moshitukulwa shaHangwena. Eedjo dovakwapata oda holola kutya, Tueumuna okwa li ta di koshivilo shehangano lovakwaTueumuna sha li koHelao Nafidi oshivike sha dja ko. Ta weda po kutya omudimba ou li kokila yomidimba yoshipangelo shepangelo shaEenhana novakwapata ova shiivifilwa nekonaakono lopolifi otali twikile.

LEAVE A REPLY

Please enter your comment!
Please enter your name here