Ehwahwameko lyovolleyball olya tsikila moNooli

0
73

SHIPI ELAGO

ONGWEDIVA-Ehangano lyokatanga koVolleyball koNooli otali longo omutenya nuusiku oku uvithako aantu opo ya tseye uudhano mbuka wa kala hawu liwa oshipungo ethimbo ele lya piti po.

Shimwe shomiikonga yokuhwahwameka oshigwana shokoNooli ota shi ka ningwa okupitila muudhano womahangano noongeshefa mboka tawu ka kala ko molyotango lya Juli nuumvo.

Omunashipundi guudhano woVolleyball koNooli Mwita Sikopo okwa ti iikonga mbika oyi li oshitopolwa shomayambulepo guudhano moshitopolwa nokweeta uudhano mboka wakala wa dhinika ethimbo ele koshigwana.

Ndhika Sikopo okwa li e dhi popile pethimbo ehangano lyawo lya li lya pewa ekwashilipaleko lyooN$20 000,00 oku zilila kuFNB okutamekitha otonamende yomahangano noongeshefa.

Omunambelelwa gwaFNB Toivo Kalla okwa li holola nkene FNB natango ena oshimpwiyu okukwathela aakalimo yomomidhingoloko moka ha longele.

Kalla okwa ti oya tokola okugandja okashona hoka ha ya mono maakwashigwana mboka oyo ye li oongudhi dhomapungulilo ga FNB,na ota ye shi ningi pa mukalo ngoka tagu nyanyudha ayehe na otagu tungu.

Okwa ti oya hala uudhano mbuka wu kale hawu kala ko kehe omumvo , onkene ota indile omahangano galwe noongeshefa osho wo aantu koohandimwe opo ya wayimine moku kwashilipaleka uudhano mbuka wo wukale wuna omwenyo aluhe.
Konyala oosipana dhi li 500 odha tothwamo na odha tuminwa nale omahiyo.

LEAVE A REPLY

Please enter your comment!
Please enter your name here