Magdalena ontana dhingi miipindi yaNdangwa

0
351

MARIA NAMUPALA

Ondangwa – Nonande hasho oshikando she shotango oku kuthombinga methigathano lyokakadhona dhingi, Magdalena Andreas okwali a thigi oyendji yiihatapo omolwokupungulula oonto nokwiimemeha nawa.

Andreas oku ulikwa oye okakadhona dhingi pethimbo lyomauliko giipindi yOndangwa ngoka ga hulu Olyomakaya ya piti.Ontana ndjika nonande ya holola kutya ethigathano lyawo ka lyali epu oye shi pondola sho ya kangele ayehe no yu ulikwa ethamba dhingi miipindi yaNdangwa.

Ethigathano ndika ohali longekidhwa omumvo kehe kelelo lyondoolopa pamwe nomahangano omakwashilipaleki pethimbo lyiipindi yokomumvo yondoolopa ndjoka. Ohashi gandja wo ompito ombwaanawa koontana ndhoka dha tokola nodhina omukumo okuya methigathano ndika.

Aakadhona oya yi methigathano lyahugunina Olyomakaya ga zi ko mono omo mwa yuuka Andreas. Omuunganeki gwethigathano ndika Peuyelenga da Silva okwa holola kutya methigathano ndika omwali mwa kuthwombinga koonta 12 dha za mondoolopa yOndangwa osho wo oondoolopa dhopuushiinda. Andreas omukalimo gwomondoolopa oyo tuu ndjika nokuli omulongwa posikola yOndangwa junior.Pethimbo ta zalekwa oshishani noshikoloni she okwa holola enyanyu noku uva etumba sho oye a tothwamo ontana dhingi mokati ka yakwawo.
Kakele koshishani shuukadhona dhingi shoka a zalekwa okwa tothwamo wo kutya oye miss photogenic osho wo miss personality. Omanga Pennina Nangula Shilongo u ulikwa oye 2nd princess methigathano ndika.

Miss Ondangwa Trade Fair okwa yelitha kutya hasho oshikando shotango ta kuthombinga methigathano nga ndika, ashike olundji nopendji oha kuthombinga noha sindana iikoloni na yilwe. Okwa ti okuna ehalo opo wo a ka kuthombinga methigathano lyontana dhingi moNamibia uuna aadha iilalakanenwa mbyoka hayi pitike omuntu aye methigathano ndyoka. “Otuna omathaneko omanene ngele tashi ya komathigathano nga ngaka, ngaashi ondoolopa yetu tayi koko nawa otwa hala opo omathigathano gaakadhona dhingi ga kale taga ningwa ando aluhe yo aakadhona taya ulike iipewa yawo, kushi kutya Miss Namibia/Miss World otaka za peni koomvula dhokomeho, otwa hala tu dheule uunona manga wuli poomvula dhopetameko wo wu kale wa pyokoka nawa,” Da Silva ta ti.

Okwa pandula elelo lyondoolopa yaNdangwa, pamwe naangeshefa yomondoolopa, sho taya longo muukumwe okuyambulapo omainyanyudho.

LEAVE A REPLY

Please enter your comment!
Please enter your name here