Marco Fishing a yandja omaano oitaafula

0
63

TUULIKKI ABRAHAM

Lüderitz – Ehangano lokuyula eeshi Marcofishing moLüderitz ola yandja omaano oitaafula omilomgo nhatu yongushu yooN$20 000. Oitaafula oya yandjwa kosaala yedina German Hall yomosekundofikola yAngra Pequena.

Omaano okwa yandjwa oshivike sha djako, sha ningilwa peembelewa daMarco Fishing modoolopa.
Moku tambulako omaano oludi eli, omukulunhufikola wAngra Pequena, Shyral Beukes okwa pandula eshi Marco Fishing a nyamukula eindilo lavo, nokwa landa oitaafula omilongo nhatu, oyo tai ka kala nokulongifwa mosaala yofikola.

Beukes ta tumbula kutya osaala ei oya kala omafimbo amwe itai dulu okulongifwa, omolwoiyakulifo oyo ya kala inai lixwapo. Ta ti mevatelo laMarco Fishing, osaala paife otai ka dula okulongifwa, idule oku etamo oiyemo, i yambidide mehongo li dule okuya komesho.
Okwa tumbula yoo kutya, ofikola itai dulu ashike okukala ya tala kepangelo, oko kudje omayakulo aeshe, ndele nayo vene otai dulu oku etapo sha, shidule okushakeneka epangelo ondjilakati.

Beukes okwa indila omahangano opaumwene, a kufe oshihopaenenwa shiwa kehangano loMarco Fishing.
Omunashipundi wokomitee oyo ililepo okuyandja omavatelo mehangano loMarco Fishing Jan Scholtz okwa tumbula kutya, ehangano eli okupitila moshikefa shokuyandja omavatelo koshiwana, otali kendabala okuyandja omavatelo opo taa pumbiwa.

Scholtz ta koleke kutya, ehangano lavo ihali yandje ashike omavatelo, kovakalimo vomoLüderitz ovo aveke, ndele nee ohava yandje yoo omavatelo, meedoolopa da yooloka moshilongo.

LEAVE A REPLY

Please enter your comment!
Please enter your name here