Nuumbembe onale a gandja uupyu mOshakati City

0
672

SHIPI ELAGO

Oshiwike shika Kundana ote ku etele Rapahael Chukwu Nuumbembe omudhani omukulu gwOshakati City gwokomeho ngoka ngashiingeyi a tsilika oongaku dhe dhetanga ano eetha po okudhan a etanga lyokoompadhi.

Oyendji mboka ya dhana okatanga kokoompadhi na Chukwu pethimbo a li ha dhana, oye shi ku shi hokolola sho okamati haka ka li ka nika oshiponga.

Chukwu omunamivo 36 ngoka nomulongisikola keithano okwa li a tameke eithano lye lyokatanga kokoompadhi mosipana yopomukunda gwawo Okabila FC.

“Osipana yOkabila FC oya li ya pendje omukumo oku katuka onkatu mo katanga kokoompadhi sigo onda yi koosipana oonene moshilongo,”Chukwu ta ti.

“Mariabronn Primary School popepi nOshaanda moshitopolwa Otjozondjupa oyo ye tu patululila omaudhano oshoka pethimbo lyetu osikola oya li ya simaneka omaudhano”.

Chukwu okwa li omudhani gwokomeho mosipana yOshakati City moka adhana ethimbo ele pethimbo ya li yi li koPremier League sigo ta yi gumo.

Kakele kosipana yOshakati City Chukwu okwa li wo a dhanene osipana yoAfrican Stars.
Chukwu okwa li wo a dhanene osipana yoFalcon FC ndjoka ha yi dhana moliha yoKhomas Second Division pethimbo ndiyaka moka a li a ningi omudhani dhingi muule womimvo 3 dha lambathana.

Chukwu okwa dhanena wo osipana yoshitopolwa shaKhomas ndjoka ya li ya dhana mekopi lyo The Namibian Cup mo 2001.
“Konima sho Oshakati City ya li ya gumo moliha oosipana odhindji odha li dha hala ndi dhi wayimine , ashike onda li nda hogolola oku landula eithano lya ndje lyuulongisikola moNooli moka ndili handi longo sigo onena,” Chukwu ta tsikile.

Chukwu omumwayinamati gwomuBokisi omukulu Ali Nuumbembe,na okwa holola kutya meme gwawo okwa li omu matuki dhingi ngoka a li wo a kale po Namibia muudhano owundji, okamwayinamati Max Nuumbembe oha ka dhanene osipana yo Mighty Gunners FC ndjoka ha yi dhana wo moPremier League.

Chukwu okwa li wo a kalele po Namibia muudhano waanasikola woCUCSA koSwaziland hoka a li wo oye a tulamo ookoola odhindji.
Chukwu oku li ngashiingeyi omulongisikola posikola Onampira Combined School.

LEAVE A REPLY

Please enter your comment!
Please enter your name here