Okaana (8) ka kwatwa onghonga komulumenhu (59)

0
2061

OMUTOOLINGHUNDANA

Ongwediva – Okaana keedula hetatu oka ninga oshihakanwa shovaholume eshi vati ka kwatwa onghonga komulumenhu weedula 59.
Oshiningwanima eshi osha ningilwa pOmuthiya. Ouyelele oo wa yandjwa kopolifi ota u holola omulumenhu omunamido 59, a pilukila okaana ndele teka tu nominwe poilyo yokoshi, omanga vali tava ende oufiku wEtivali loshivike eshi.

Kouyelele wa yandjwa kuChief Inspector Edna Nawa wopolifi mOshikoto, otau holola kutya omulumenhu wedina John Farrel ovali tava tale oTV nokaana meumbo. Konima okwe ka lombwela vati nava ye nako opo vaka lande ouleke peumbo lopoushiinda. Manga vali tava ende pokati kofikola yaWaapandula Combined School nolukanda laKaniita, omulumenhu ou vati okwa pilukila okaana ndele teka longele oilonga yoixuna neenyala.

Omukainhu omunamido 32, okwa lopota oshiningwanima eshi kopilifi, nomufekelwa okwa kwatwa po, nokwa holoka nale momhangulilo yaMangestalata oshivike eshi.

Omukwaita (58) vati a kwata ookaana (13) onghonga
Opolifi mOshitukulwa shaShikoto oili mokashoko, tai kongo omukwaita ha longo metanga leameno laNamibia (NDF) sha landula ekwatonghonga lokatekulu keedula 13. Otaku hokololwa omulumenhu ou eli omunailonga moNDF koWindhoek, edina laye itaali dulu okutumbulwa oshe shi ina holoka natango momhangulilo yaMangestalata.

Oilonga ei yoixuna okwe i longela komukunda wavo kOniihwa mOshitukulwa shaShikoto. Chief Inspector Edna Nawa oo eli omupopiliko wOpolifi mOshikoto ota hokolola ati a opolifi oya pewa ehokololo kutya omufekelwa ou okwa heka okatekulu ka dalwa kumumwaina, eka heka noimaliwa, ndele teka twala molulxwa omo eke ka kwatela keenghono.

Nawa ta hokolola kutya, omulumenhu ou konima eshi a mana oilonga yaye youkolokoshi, okwa faduka po. Nawa ta weda po kutya okaana aka okanaudu komukifi woshinona.

Okaana kokamati nako ka kwatwa onghonga
Oshiningwanima shikwawo vali shoikulumuna yousaatana ya ningilwa mOshikoto, oshosho taku hokololwa omunahambo weedula 18 a kwata onghongha okamatyona keedula 14, konima eshi e ka denga noku ka tilifa nombele. Eshi osha ningilwa momukunda Elavi mOshitukulwa shaShikoto.

Kouyelele oo wa yandjwa kOpolifi mOshikoto, otau hokolola kutya, Etine la dja ko, omunahambo wedina Kaboy Hamukoto okwa heka okamatyona keedula 14, vati ka patulule ponduda yaye. Mokupatulula, vati okwe ka bulukitila, te ka kufile ombele ndele ta tameke oku ka dula oikutu. Okamatyona oke shi pondola okulinipa mo muye nofaduka po, ashike okwe ka taataa nokuka kwata, teka dengaula noshiti omanga ine ka dula ombulukweya nokuka xwa omaadi omanga ete ka longele oilonga yousodomi.
Omunahambo ou okwa holoka nale momhangulilo yaMangestalata moTsumeb.

LEAVE A REPLY

Please enter your comment!
Please enter your name here