Okanona (13) kasi sho ka kandoma

0
647

Opolisi moTsinstabis oya lopotelwa oshipotha sheso moka okamatyona koomvula 13 ka nyengwa okupangela ololi ndjoka kali taka hingi e tayi kandoma.Oshiponga shika osha ningwa Etitano lya zi ko, lopotundi 15h35 kokapate komamanya, konyala ookilometer 45 okuza moTsumeb okuuka koTsintsabis. Okamati haka kedhina Jacobus Coetzee opo ka sila poshiponga mpoka omanga aafaalelwa yako San Gariseb (50) naSimon Augumeb (48) ya mono iiponga iinene. Ayehe oya taambelwa moshipangelo shaTsumeb. Aapambele yokanona oya tseyithilwa nale.

Ka si sho ka nuka motuwa
Opolisi mOshikoto otayi konaakona oshiningwanima moka okanona kokamati koomvula omugoyi ka si konima sho ka nuka mohauto yahe.Otaku hokololwa okanona kedhina Kandiwapa Fillipus kali mohauto tayi hingwa kuhe omunamivo 62 sho limwe lyomomalola gohauto yawo lya nokoka ko. Anuwa sho ka mono ngeyi, okanona haka okiiumbu moshihauto, e taka mono oshiponga komutse. Oka falwa mbala kOshipangelo shEpangelo shaNandjokwe ihe oka hulitha esiku lya landula.Shika osha ningilwa mondjila onene yopokati kOndangwa nOmuthiya, konyala ookilometa 12 okuza mOmuthiya mEtiyali lyoshiwike sha zi ko.

I imangeleke
Etitano lyazi ko opolisi, oya lopotelwa oshipotha sheidhipago moka omulumentu omugundjuka Matheus Tungeni Kahenge (23) gomomukunda Okahenge mOshigamboo i ikutha omwenyo. Kahenge anuwa okwi imangelekele momuti, i imangeleke nondhalate.
Omudhima gwaKahenge ogwiitsuwa kokatekulu kavalwa kumumwayina koomvula omugoyi. Ina thiga po uuyelele kutya omwolwashike iimangelekele

I iyaha okusa
Opolisi momudhingoloko gwaTsintsabis oya tseyitha omumati gwoomvul 23 Faulus Ferdinand Nandubu ngoka ali ha longele kofaalama yomusamend Gerry Shikesho yili momukunda Onkule moshitukulwa shaBravo iidhipaga oshiwike sha zi ko.Ferdinand anuwa okwi iyaha nondjembo yuukongo yonomola .22 mepunda kombinga yokolumuho, eshi ningile mondunda ye yokulala. Ina thiga po okambapila ka hokolola kutya omolwashike iikuthile omwenyo.

A dhipagwa
Opolisi mOmuthiya nayo oya lopotelwa oshiningwanima moka omulumentu omugundjuka a yaha nokudhipaga omutakamithi gwiimuna gwaandjawo.
Otaku hokololwa Paulus Ndahekelekwa Naboth a yi mondunda yahe yokulala eta kutha mo omushasho ngoka a longitha okuyaha omunamivo 26 Johannes Johannes Johannes montulu. Johannes ngoka ali omukwashigwana gwaAngola opo a sile mpoka.
Oshiningwanima shika osha ningilwa pokakefe kedhina Naboth Shebeen keli momukunda Omalola mOmuthiya.
Paulus okwa kwatwa po na okwa holoka nale mompangulilo yaMangestalata gwaNdangwa. Aakwanezimo yanakusa oya tseyithilwa nale oshiningwanima shika.

LEAVE A REPLY

Please enter your comment!
Please enter your name here