Oliha yoGirls & Goals mOshana konima yefudho

0
53

SHIPI ELAGO

ONDANGWA-Konima sho oliha ndjika ya li ya dhikwa mOshana konyala oomwedhi mbali dha piti kehangano lyokatanga kokoompadhi moNamibia NFA, oliha ndjika oya tegelelwa yi ka tameke sho oshikako oshitiyali shosikola tashi ka tameka petameko lya Juni. Agnus Chabala Elemu omuwiliki gwoliha ndjika mOshana okwa li a holola kutya kaya li taya vulu oku tameka noliha ndjika oshikako sha za ko shosikola, oshoka uunona owa li wi ipyakidhila nale nomakonaakono sho oliha ndjika ya li ya dhikwa.Okwa ti ngashingeyi sho oosikola ta dhi ka patuluka moshikako oshitiyali shiilonga ya dho otaya ka tamekitha wo iilonga yoliha ndjoka ya tegelelwa yi ka dhanwe koosikola dho momudhingoloko gwOshakati ,Ongwediva nOndangwa.

Okwa ti ota ningi ekwatathano nale naalongisikola mboka yelile komeho oliha ndjika opo ya etepo omusholondondo nkene oosikola ta dhi ka dhana nomasiku kutya ota dhi ka dhana uunake.

Okwa ti oosikola dhomOndangwa ota dhi ki idhanena omanga Ongwediva nOshakati ta dhi kala ha dhi dhana moliha yimwe. “Oliha ndjika otayi kala hayi wilikwa kaanambelewa ya pyokoka mboka wo taya ka pewa oshinakugwanithwa opo ya tothe mo uukadhona mboka ta wu shi enditha nawa opo wu ka folome po osipana yoshitopolwa shaShana.

Okwa ti nando oliha ndjika oya tegelelwa yi ka tameke sho oosikola ta dhi ka tameka natango oya taalelwa komashongo ngaashi guupale wokudhanena mboka inaa wu gwanena moNooli onkene otaya ka kambadhala opo ya tale kutya uupale mboka wuli melongitho ota wu vulu okweedhilila oliha ndjika.

LEAVE A REPLY

Please enter your comment!
Please enter your name here