Ongalo yaDice tayi dhana koTrace Africa

0
43

PINEHAS NAKAZIKO

Okavidio kongalo ompe yomwiimbi gwoongalo dhoHip Hop, Dice, yedhina ‘Second Guessing’, osho ya tameke okudhana kopolohalama yokotiivii yedhina Trace Africa oshiwike shika.

Ovidio yongalo Second Guessing ota mu monika gumwe gwomaakadhona dhingi moshilongo Maria Nepembe, ngoka oye ta dhana onkandangala konyala mokakino hoka akehe.

“Ondi uvite nda yambekwa okutseya kutya oongalo dhandje otadhi talika kiilongo ya yoolokathana tashi pititle koChannel ndjoka yoTrace Africa yaMultichoice. Pakutseya kutya oyendji konyala otaya tala ongalo ndjika osha kumike ndje opo kaandi sholole ngele tashi ya koshitalendi shandje,” Dice ta ti ngaaka.
Okavidio haka okathaanekwa kehangano lyoReggie Films pamwe noDesert Films moVenduka. Oka tulwa kumwe koDesert Films pamwe noDidi Reloaded.

Dice okwa ti mokavidio muka ota longitha Maria Nepembe oshoka oku wete ena oshitalenti shi li pomuthika gwopombanda, nota ti ndjika oyo ompito ombwaanawa yokugwedhela oshitalenti she.

Ongalo ndjika Second Guessing oyaza moalbuma yaDice ontiyali yedhina Winter Is Coming (WIN), ndjoka yali ya piti pehulilo lyaDesemba omvogu.

“Oalbuma ndjika onde yi ningile sho ndali methimbo edhigu monkalamwenyo yandje pamwe nofamili yandje. Shika osho ishewe sha kala she yi imba yi pite mbala,” Dice ta ti ngaaka.

Oalbuma yotango ya Dice oyali ya piti mo2013, ndjoka ya li yi na oongalo oombwaanawa ngaashi Okashooshoo na If I Could.
Dice okwa gwedha po ta ti noalbuma ye ompe ota ulike ashike kutya ye natango okuli mehangano lyoongalo, u uka komeho.

LEAVE A REPLY

Please enter your comment!
Please enter your name here