Oshakati Totem Expo nonuumvo oko yi li

0
334

SHIPI ELAGO

OSHAKATI-Oshituthi shomazimo shoka ha shi unganekwa kelelo lyondoolopa yaShakati shokomumvo no nuumvo oko shi li.
Pahapu dhomugandjimulombo melelodoolopa lyaShakati Katarina Kamari oshituthi shika shomauliko gomazimo otashi ka tameka mo25 Mai sigo 03 June 2017 pokapale kaShakati. Okwa ti omauliko ngaka oga nuninwa okukaleka po omithigululwakalo noonkulunkedhi ndhoka dha kala ha dhi longithwa kookuku yonale.

Oshituthi shoka hashi ulike omazimo noonkulunkedhi nuumvo osha tegelelwa shi ka kale sha dhenga mbanda nokwa tegelelwa konyala omazimo gathika po 15 ga ka kuthombinga.

Okwa ti kakele komauliko gomazimo noonkuluhedhi, ndjika oha yi kala wo ompito ombwaanawa kaanangeshefa aanene naashona osho wo iikondo nomahangano gopaumwene oku ulika iilandithomwa yawo koshigwana shoka ha shi holoka momiyalu ominene. Omazimo ge li omulongo na gatano otaga ka ya momunyanyo momapandaanda gaShakati.

Kamari okwa ti aakalimo yomOshakati naamboka taya ka talela po odoolopa yaShakati pethimbo lyomauliko goTotem naya tegelele omainyanyudho omawanawa,okuza kuudhano wopamuthigululwakalo, aahiki yoongalo moka mwa kwatelwa etseyitho pambelewa lyoAlbum yaMushe “Oshungi kolupale” nosho wo iinyangadhalwa iikwawo ta nyanyudha unene.

Oshakati Totem Expo 2017 ota yi ka patululwa pambelewa komukokoli Presitende Omundohotola Sam Nujoma mo27 Mai 2017. Posheelo aakuluntu otaya kapita kooN$ 20 omanga uunona N$ 10 yo iihauto otayi ka pitikilwamo ngele sha futilwa ooN$ 10 ndhoka dhina ongushu yesiku limwe lyuudha.

LEAVE A REPLY

Please enter your comment!
Please enter your name here