Ekanka lyaKahiriri lya yi menono

0
196

SHIPI ELAGO

ONGWEDIVA-Olsen Kahiriri okwa yemba oshigwana shaNamibia sho sha li she mu ethele omutenge gwehololo-madhilaadhilo ndyoka lya li lya ningwa Etine lyoshiwike sha zi ko pegumbo lyokatanga kokoompadhi moVenduka. Okamwaalu ashike kaantu aashona ka li ka holoka pehololo-madhilaadhilo ndika okuuva uukumwe wumwe naKahiriri osho wo naadhanitanga.

“Olye eku lombwele kutya ehololo-madhilaadhilo olya pumbwa aantu omayovi opo li ninge ehololo-madhilaadhilo owa pumpa ngiini, “Olsen ta ti a geya sho a li a pulwa komutoolinkundana gwomaudhano kutya oku uvite ngiini sho pehololo-madhilaadhilo lye kaa pwa li aantu oyendji.

“AaNamibia kaleni mu shishi kutya omwa ethela okaputa mepya nongele ita mu thikama nena onakuyiwa yokatanga otayi ke mu kugila limwe lyomomasiku,” ta tsikile.

Kepulo kutya pamwe aantu inaa ye mu landula molwonakuziwa ye yopolotika Olsen Kahiriri okwa li a yamukula a fulakata nongeyo ta ti “Ngoye omutoolinkundana egoya inandi mona nale omutoolinkundana egoya ekufa, ngame opolotika onde yi etha nale onkene oshinima shoka tatu kondjitha ngashingeyi ka shi shi uudhano kaya.”

Okwa ti nando oya li ashike mokamwaalu okashona oya kalela po ongundu yaadhani oyendji ya konda po-200 mboka yamwe yomuyo oye li momikunda no itaa ya vulu okuthika koshilandopangelo oshoka oya hepa konima sho omboloto yawo ya li ya gu mokana.Otatu tsikile noku gandja omasiku 30 opo mboka yena oshimpwiyu shomaudhano ya kale ya galulila omaudhano koshigwana, Olsen okwa ti ngele konima yomasiku 30 ina ya yamukulwa nena oveta ota yi ka longa iilonga yawo.Okatanga kokoompadhi oke li monkugo yina onkambe nando oonkambadhala odha li dha ningwa opo oliha yi tameke andola ehuliloshiwike lya zi ko oompangela adhihe odha li dha adha okwena kwa hula.Oonkambadhala dhoku kwatathana nelelo lyaNFA odha li dha hulile kokwena kwa hula.

LEAVE A REPLY

Please enter your comment!
Please enter your name here