Giggz naye a ningi omuhikingalo

0
45

PINEHAS NAKAZIKO

Omuhikingalo gwoongalo dha yoolokathana, Tangeni Ausiku, ngoka a tseyika nawa nedhina moongalo Giggz nenge TheFutureIsGiggz, na ye osho a holokele mehangano lyo kwiimba.

Giggz omvalele yaKahandja petameko okwa kala noku shanga omaimbilo gaahikingalo ooyakwawo, noku ninga omikwelengendjo dhoongalo, ashike oku za omvogu okwa tameke okwiimba ku ye mwene, nelalakano opo a etepo elunduluko mehangano lyoongalo dha Namibia ngele tashi ya moHip-hop.

Kakele ashike kwaashoka, Giggz oye ishewe a ningila Bertholdt, Lady May, Floritha, KK naTulisan omikwelengendjo dhoongalo dhawo nonando mbaka hayo ayeke a kwathela moshinima shika.

Giggz oye ishewe a kwathela omuhikingalo ngoka a kala nokwiimba oongalo dho RnB gwedhina Floritha, nongalo ye ndjoka “I owe it all to You”, ya li ya sindana ekopi koNAMAs momvo 2013.

Omwiimbi nguka okwa li a holokele mehangano lyokwiimba lela sho ali a pititha okangalo ke kotango “Don’t Let Me Fall” omvula ya zi ko, hoka ka kala ta ka dhanwa ethimbo ele koRadio yoEnergy 100 FM, noka kala methigathano lyoHip-Hop noRnB Top 10, pehala etiyali ethimbo ele.

Konima yoku tseyika nokangalo haka, Giggz okwa li ishewe a pititha eimbilo lye etiyali lyedhina “Shako,” ndyoka li na omulyo gwoKwaito mumwe noHip-hop. Kakele ashike kwaashoka, ongalo ndjika oya kala natango methigathano ndika lyoEnergy 100FM lyoHip-Hop noRnB Top 10, noko Base FM. Okuza mpoka okangalo haka okali ishewe ka tameke okudhanwa methigathano lyoRadio yoTaffy Raw.
Nuumvo Giggz okwa pititha okangalo ke okatine kedhina Real Ones, natango ta ka adhika methigathano lyoEnergy 100 FM pehala lyotango. Giggz okwa ti ngashingeyi okwa tokola opo a tameke oku ninga oalbuma ye ompe, ndjoka tayi ka kala ombwaanawa lela.

Giggz ngoka ta humitha nawa
komeho oshitalenti she
sho kwiimba.

LEAVE A REPLY

Please enter your comment!
Please enter your name here