Hercules omudhani dhingi moVolleyball

0
65

SHIPI ELAGO

Epandja lyomaudhano muKundana ota li kala noku ku etela omapenda gomaudhano ga yooloka moshilongo.
Oshiwike shika Kundana okwa li a kundathana na Maria Hercules ngoka eli omudhani gwoVolleyball dhingi mosipana yaakadhona yoSix Stars Volleyball yomOndangwa no ye wo amushanga gwehangano lyoVolleyball koNooli.

“Uudhano woVolleyball onda li nde wu dhana pethimbo nda li mosikola nando ha unene, oshoka pethimbo ndyoka uudhano mbuka ka wa li naanaa hawu dhanwa pamuthika gwoosikola oshoka uunona owundji owa li ashike wa panda omaudhano galwe, onkene onda li ashike nda mono omadhewo gopetameko nolwindji onda li nda dhana uudhano woNetball oshoka owo wa li wa simanekwa koosikola odhindji sigo nda ndjoina osipana yo Six Stars mOndangwa,” Hercules a ti.

“Petameko onda li nda ndjoina ashike opo ndi iyuthe momagulu noku kaleka olutu lwandje lwa ndjanga pamadhewo ashike onda li nda ndhindhilike kutya nani ota ndi vulu natango okudhana uudhano woVolley onkene onda li nda dhiginine omadhewo naashika osha li she eta ndje pondondo ombwaanawa noku kwathela osipana yandje yi adhe omasindano ogendji,” Maria ta tsikile.

Sho twa tameke oku dhana uudhano mbuka osha li oshidhigu oshoka ka wa li wu shiwike kaantu oyendji, ashike oshinima shoka nda koneke, osho shoka kutya kehe omuntu ta dhana uudhano mbuka lwotango oha zi po a kwatwa kohokwe yokudhana oVolleyball.
Ashike natango otatu longo omutenya nuusiku oku eta ondondo yoVolleyball moshilongo mpoka puna iilongo iikwawo muuyuni oshoka natango otu li konima.

Onga amushanga gwehangano lyoVolleyball shika osha pe ndje oompito dha andjuka oku mona ontseyo yoVolleyball sho hatu tumwa kootundi dhoVolleyball opo tu ki igwedheleko kontseyo yoku longa niikwaVolleyball moshilongo.

“Ovolleyball oyo uudhano uuwanawa oshoka kehe omuntu ota vulu oku dhana uudhano mbuka unene tuu sho waana omaehamo ogendji no ka muna omaingwandjagulo,”omunamimvo-32 a ti.

Hercules ota ti ngashingeyi okuhole ashike uudhano woVolleyball no ku na wo ohokwe oku tala uudhano woVolleyball ta wu ulikwa koTV limwe lyomomasiku ngaashi uudhano wumwe hawu ulikwa.

“Omaudhano oga simana oshoka ohaga keelele aantu kiinima oyindji iiwinayi ta ti ngele omuntu owa zi komaudhano nena sho to yi kegumbo olutu ohalu kala lwa pumbwa okuvululukwa po onkene ethimbo lyo ku longitha omalovu niingangamithi unene mokati kaagundjuka otali kala lya pumba naashika ota shi tungu omalutu paundjolowele,” Maria ta ti.
Okwa ti okwa hala oku ninga omuleli gwomaudhano moshilongo limwe lyo mo masiku.

LEAVE A REPLY

Please enter your comment!
Please enter your name here