Oliha yoSecond Division mOmusati ya tameke

0
64

SHIPI ELAGO

OUTAPI-Aaholi yomaudhano moshitopolwa shaMusati ehuliloshiwike lya zi ko oyali ya galulilwa ishewe uudhano mboka ye hole, konima sho uudhano wokatanga kokoompadhi wa li wa si ombamba nkunkuta konyala uule woomweedhi 10 moshilongo ashihe.

Omunashipundi gwoNFA moshitopolwa shaMusati Jacob Kasheya okwa li a hololele Kundana kutya, oshikumungu shaNPL osha li sha eta engwangwano mokati koosipana dhoSecond Division onkene mongashingeyi oosipana odha yelelwa noliha oya li ya tameke ehuliloshiwike lya zi ko muupale wayooloka mOmusati.

“Oosipana odhindji odha li dhi shi sho oliha yopombanda moshilongo ya tulamo ombiliki nena nadho ita dhi vulu okuya komeho nomaudhano ashike NPL oku li olutu lwi ili ndoka inaa lu yama ko Second Division ndjoka yili kohi yaNFA, ye NFA okwa li nale e tu pe elombwelo opo tu tameke oliha yetu kaapuna omalimbililo,” Kasheya ta ti. Molyomakaya ga zi ko Young Brave okwa li a pitilwa yimwe monola kOutapi United, Blue Bird okwa li a dhengwa 2-0 ku Black Magic lyo Epupa Eleven Stars tali dhana shi thike pamwe 1-1 na Future FC omanga Okalongo United ya li yi ithigi othika 1-1 nOgongo United. Onambula Young Generation oya li ya hanagulapo Omusati Nampol 4-1 omanga Okahao FC kali ki ithigi othika 1-1 noFresh United. Osoondaha Black Magic okwa li iithigi othika 1-1 nOmusati Nampol, ye Blue Bird ta dhenge Epupa Eleven Stars 2-1. Future FC okwa li a dhenge Young Brave 4-2, Ogongo United oya li ya dhana 1-1 naFresh United,Okahao FC oka li ka pewa yimwe nomiiyagaya kOutapi United omanga Okalongo United ka li ka dhana shi thike pamwe noNambula Young Generation. Uudhano wehuliloshiwike lya zi ko owa li wa thigi Outapi United pombanda yoliha ena iitsa ihamano omanga Onambula Young Generation ya li ye ya puutiyali niitsa ine ye Future FC teya puutitatu niitsa ine omanga puutine opu na Black Magic.

LEAVE A REPLY

Please enter your comment!
Please enter your name here