Get Rich otaka ulikwa koNBC noOne Africa

0
336

PINEHAS NAKAZIKO

Omwiimbi gwoongalo dho Hip-Hop pamwe noAfro Pop a tseyika nawa Get Rich, osho a pititha okavidio ke kotango kedhina Get Rich My Nigger, oshiwike shika.

Okavidio haka oka li ka ulikwa koTV yo NBC osho wo One Africa, moka ishewe Get Rich a li e ka tseyitha kopolohalama yo Whatagwana ndjoka hayi ulikwa ko NBC kehe esiku potundi ontine.

Get Rich okwa li a holola enyanyu lye kwaayehe mboka ya kala noku mu yambidhidha. Okwa ti aaNamibia mboka yehole oongalo naya kale noku yambidhidha ehangano lyoongalo moNamibia, opo li hume komeho.

Okavidio haka ka Get Rich oka thaanekelwa moshilando, komuthaaneki dhingi David Grand, ngoka oye ishewe eli omukwateli komeho goongalo dhe. Get Rich omvalele yaShikoto, momukunda Onandhi gu li pokati kOnyaanya nOnankali.

Omunamino 34 okwa ti okwiimba, okwe ku hokithwa kaahikingalo yopondje yiilongo mboka ya kala nokwiimba oongalo dhawo nale ngaashi 50 Cents naJa Rule.

Nonando oyendji opo ashike ya tameke okutseya Get Rich nuumvo, ye okwa ti oongalo okwe dhi tameke nale sho a li a kala moRundu ethimbo ele, okuza 2005, moka ali a tsakanene nakuume ke kopothingo gwedhina Da Silva, ngoka a li omuhikingalo ethimbo ndyoka eta ya tameke okwiimba pamwe.

Lwopehulilo lyomvula 2005, Get Rich okwa li a tameke noku kwatitha nookuli okangalo ke kotango kedhina My Nigga Lets Go, moka ali a kwathelwa okwiimba kuDa Silva naEdgar, ashike okangalo inaka ka pita we oshoka ka kali ka ningwa pamuthika gwopombanda.

Nando ongaaka, Get Rich okwa kala noku ulika uunongo we nongalo ndjika piituthi ya yoolokathana unene tuu mo Rundu noGrootfontein. Mo 2013, Get Rich okwa li a tameke noku kwatitha oalbuma ye yotango yedhina True Story, noyali ya pitithwa omvula ya ziko, nuuCD ashike 200.

Ashike mongashingeyi oalbuma ndjika otayi inyenge nawa, no tayi adhika nookuli moshilongo ashihe.

LEAVE A REPLY

Please enter your comment!
Please enter your name here