Shendjeni oupapa veengobe deni

0
105

OMUTOOLINGHUNDANA

OSHAKATI – Omunambelewa mombelewa yefiloshisho loulinawa woimuna noinamwenyo moshitukulwa shaShana, Suoma Haindongo, okwa kunghilila ovalandi veengobe va shendje diva oupapa momatwi eengobe adishe tadi landwa.

Nande oshikondo shi na eembelewa moitukulwa itano kombada yomufinda utilyana, Omuthiya, Ondangwa, Oshakati, Eenhana, Outapi noKunene, natango ovalandingobe otava ngogonyotoka okushendja diva oupapa veengobe va landa. Haindongo ta weda po kutya, eembelewa adishe moitukulwa oda kwatakanifwa meyandjo louyelele keshe unasha noimuna.

Omunambelewa wombelewa yoVeterinary ta yelifa kutya oihako yeengobe moitukulwa oya yooloka noshipu okumona oshihako hashi dengwa koshilama ilo kokwooko kongobe kutya osho moshitukulwa shilipi. Oshikoto osha tameka ZD-, Oshana ZB-, Ohangwena ZC-, Omusati ZA noKunene ZA –noXB-.

Haindongo ta twikile kutya, epangelo ola ufa keshe omunangobe a kale noshihako ta ningi eindilo kombelewa ta yandje okopi yokamutwe. Ngee eengobe dae, odi li kohambo ilo moshuunda shomunhu umwe, opo di kale kedina laye, oku na okuyandja okopi yokatwe kaye, opo ovatunhili voimuna pefimbo lotunhila yoimuna va tule oupapa komatwi eengobe daye. Keshe odula epangelo ohali tula oupapa keengobe dihe na oupapa eenhana naadi dihe na oupapa nokape na ongobe tai tulwa okapapa kokutwi pehena nokopi yokamutwe noshihako sha mwene wayo. Paendjovo daHaindongo, epangelo ola ufa eengobe adishe moshilongo di dengwe oihako fiyo oikando ine. Omolwoulunga woimuna wa tana moshilongo, vamwe ova uda ko efimano loihako, onghee ondado oshihako oya enda nokulonda okudja N$ 5.00 paife oi li peeN$ 122.00. Kakele koihako ya yooloka paitukulwa, epangelo ola eta po oupapa 2011 nosha pupaleka okumona kutya onghani oya lye.
Haindongo ota pula keshe ou to lande ongobe, a lundulule oshihako, nongee ongobe oya fya na twale okapapa kongobe keshe ya fya kombelewa popepi moshitukulwa opo ongobe i dimwe mo.

Kwaava va hala kweendifa oimuna vehe na oihako, Haindongo ota ti, nava longife omaukwatya aavo ve na oihako shaashi, epangelo inali pitika omukeena oshihako a shinge ongobe ehe na oshihako nombapila ya mwene womukunda.

LEAVE A REPLY

Please enter your comment!
Please enter your name here