“The 3rd Will” ota ulikwa koZambezi Magic

0
77

PINEHAS NAKAZIKO

Kamwe komuunyandwa mboka wa ningwa moshilongo no ka dhanwa kaaNamibia, The 3rd Will, osho ka mono ompito ombwaanawa oku ulikwa pondje yoshilongo, koChannel yoZambezi Magic 160 koDStv, oku tameka muJuuni nuumvo.

Shika osha landula sho Omukuluntu gwehangano lyoZambezi Magic moZambia, Addiel Dzinoreva, a li a talele po Namibia omvogu, nelalakano lyoku gandja omauyelele kaaNamibia nkene ye na okufala iinyandwa ya wo kopologalama ndjika.

Dzinoreva okwa ti okwa hala opo aaNamibia ya gandje ehokololo lyawo lyo shili tashi pitile ko polohalama yawo.
Okanyandwa haka ota ka kala noku ulikwa kopolohalama ndjika kehe Omaandaha sigo Etitatu petata lyotundi ontihetatu yokongulohi (19h30), methimbo lya South Africa nenge ndyoka hatu ti olyothinge moNamibia.

Omuetipo gwokafeelema haka, Frans Kruger, okwa ti ndika olyo enyanyu enene kuye nokaaholi yokafeelema haka, oshoka otashi tula Namibia pondondo ndjoka yili pomuthika gwopombanda.

3rd Will okwali a ulikwa nokutseyithwa omvula ya zi ko moshilando koNBC TV. Okafeelema haka otaka popi kombinga yeTestamendi lyuuthiga womunangeshefa Kamati, ngoka a li ena ongeshefa ye onene yokulanditha onyama, nokwa tamekele ashike ongeshefa ye manga a li omushona.

Tate Kamati okwa li ena uumwanamati uyali, Thomas naMichael Kamati mboka, wa valwa kooyina ya yoolokathana nowa kala noku kondjela etestamendi lyuuthiga ndyoka. Oshinyandwa shika osha thaanekwa komahangano gaali gali ga uvathana oku shi ninga ngaka ogoBVL noFB. Ngashingeyi ehangano ndika oli li lyathaneka iiluku iyali mbyoka oyo tayi dhana onkandangala, no ye li taya thaaneke oshiluku oshititatu.

LEAVE A REPLY

Please enter your comment!
Please enter your name here