Andreas i indile oospana mOshikoto dhiitulemo

0
34

MARIA NAMUPALA

ONYANYA – Omukwatakanithi guudhano wokatanga kokoompadhi mOshikoto Johannes Andreas, okwa pula oosipana dhuudhano mbuka dhi itulemo muwo.

Andreas ndhika okwedhi popi oshiwike shika, moonkundathana naKundana kombinga ya nkene uudhano tawi inyenge moshitopolwa. Okwa ti oosipana odhindji inaadhi itulamo muudhano oshowo momadheulo ngoka.

Ihe nando ongaaka okwa ti uudhano moshitopolwa otawu ende nawa oshoka oosipana ndhoka dhili moliha yedhingoloko etiyali odhi itulamo, naaluhe ohadhi kuthombinga muudhano woliha ndjika.

“Ohatu tulapo elandulathano lyuudhano ehulilo shiwike kehe, noosipana ndhoka dhili moliha yedhingoloko etiyali ohadhi holoka
aluhe”osho a koleke.

Elandulathano lyuudhano moshitopolwa shoka okwa tegelelwa oosipana dhikiitaalele puupale wa yooloka. Wumwe womuudhano mboka ongaashi mboka tawu kala pokapale kaOscar Norich momasiku 27 Mai mono oNewcastle tayi kiikwata nOmuntele United, Oshikoto Nampol nOnathinge United.

Momasiku 28 Mai pokapale oko tuu hoka okwa tegelelwa Newcastle yikiikwate nOnathinge United. Pokapale kopOshivelo momasiku 27 Mai Ghetto United otayi ikwata noYoung United, nomomasiku 28 Mai Ghetto United otayi kapalamena Nine Eleven.
Pokapale kopOluno mo27 Mai Ondangwa United otayi ka wayimina Omandengu United, omanga momasiku 28 Mai Ondangwa United tayi ka taalela oYoung United. Okwa yelitha kutya uudhano mbuka ehulilo shiwike ndika osho tawu kala ngaaka.
Andreas ta ti moliha yoshitopolwa shoka yedhingoloko etiyali, omuna oosipana 12, ndhono adhihe dhaadha iilalakanenwa yedhingoloko etiyali. Oliha ndjika oya tamekele momasiku 29 Apiilili nuumvo, no tayi kala ya hula moomwedhi dhokomeho.

LEAVE A REPLY

Please enter your comment!
Please enter your name here