Iilikolwamo yawo ya pipo komundilo

0
252

LOIDE JASON

ONGWEDIVA- Oothigwa ndatu dhomOkalindi moshikandjo hogololo shaShikuku moshitopolwa shaMusati otadhi indile oshigwana shi dhi galikanene omolwomundilo ngoka gwa fike po nokuhanagula po iilikolomwa yawo, go ishewe ogwa tsikila okuya hepeka.
Ndilimeke Joel okwa ti omundilo nguka ogwa tameke iiwike iyali ya piti nogwa kala noku hanagula po oondunda kooyimwe nooyimwe mwa kwatelwa iiyuma niinima mbyoka ya pungulwa mo.

Ashike Joel okwa ti shoka tashi ehameke ooshika kutya iilya mbyoka yo ya longo nokuteya nuumvo ayihe oya pile momulilo nguka no inaa pa hupa nando omuma yimwe.

Okwa hokololele Kundana mongodhi kutya omundilo nguka ohagu tameke ashike mombanda unene omanga ya kotha nenge omutenya omanga yi ipyakidhila niilongadhalwa yomegumbo.

“Oshili omundilo nguka tse katushi okugupopya oshoka ihagu ziilileko ngele gwa tameke. Ohatu uvu ashike oshinima shina omungwelengwendje gwafa gwohauto tayi dhuma sho tatu ka tala oondunda odha hwama nale,” osho a hokolola ngaaka. Okwa hokolola wo kutya nonande iinima ye yi lundulula mo moondunda natango omundilo ngoka otagu ya landula ndele iinima tayi pipo thiluthilu.

Okwa ti ngashingeyi oondunda adhihe mwa kwatelwa oondunda dho kulala odha pya mo megumbo, omakumbatha noshowo omatalashe. “ Oshinima shika oshe tu dhenga pomutima oshoka ngashingeyi ethimbo lyuutalala ihe aamwameme mbaka ohaya lala puuyelele oshoka kayena shoka ya thigala po nasho,” osho ati ngaaka.

Okwa ti tashi kumitha ooshoka kutya olundji ngele omundilo nguka gwe ya sho taya ningi onkambadhala yegu dhime pamwe nekwatho lyaashiinda go otagu dhimi ishewe kugo gwene.

Okwa ti egumbo ndika olina ashike oothigwa tadhi ilele dho dhene oshoka aakuluntu yadho oya tetekela nale muukwaaluhe.
Ngashingeyi otadhi indile ngoka ena ontseyo mokushunitha omundilo nguka monima eya kwathele meendelelo omanga egumbo alihe inaali lunguna po sheke.

LEAVE A REPLY

Please enter your comment!
Please enter your name here